Libera Folio

Beletra konkurso - Litera Turo 2011

Mathieu Thépaut — 2010-10-17T15:45:49Z

Saluton al verkistoj! La franca klubo Esperanto Vannes invitas ĉiujn dezirantojn partopreni en nova beletra konkurso: Litera Turo 2011. Ĉi-jare estas proponitaj tri branĉoj: 1. Originala prozo 2. Originala poezio 3. Traduko el la franca lingvo Limdato por sendi verkojn: la 15-a de Decembro 2010. Anonco de la gajnintoj: la 23-an de januaro 2011, okaze de la Zamenhof-a tago de la klubo Esperanto Vannes. Por peti pliajn informojn, la plenan regularon aŭ la tradukenda eltiraĵon: litera-turo@live.fr Nun la konkurso disponas sian Facebook-paĝon: http://www.facebook.com/#!/pages/Litera-Turo/157065697661521?v=info

1-a Esperanto-Cearao

Jozefo Lejĉ — 2009-11-21T19:26:34Z

La 11-an de novembro 2009 14h - Alvoko de la partoprenantoj. Placo Gentilândia /ĵentilandja/, ĉe la busto de Zamenhof. 15h - Busa verutado el Fortalezo disde la Placo Gentilândia. 18h - Alveno al Gvaramirango. Akcepto en hotelo kaj aliaj gastejoj. La 12-an 7h-9h - Matenmaĝo. 10h - Malfermo – kanto de la Nacia Himno kaj de "La Espero" (Zamenhof) – omaĝo al la 150-a datreveno de la naskiĝo de Zamenhof, per deklamo de la “Preĝo sub la Verda Standardo” (Zamenhof) fare de Prof-ro Adelson Sobrinho kaj legado de la poezia biografio de la kreinto de Esperanto laŭ la nordorienta tradicio – Medalo Esperanto-Cearao al Paulo Amorim Cardoso (fondinto de la Esperanto-Kurso de la Federacia Universitato de Cearao), Lúcia Dummar (filino de Demócrito Rocha, fondinto de la Esperanto-movado de Cearao), Mônica Dourado (Direktorino de la Ĝenerala Kunordigantaro de la Kulturaj Domoj de la Federacia Universitato de Cearao) kaj la urbesto de la gastiganta urbo Gvaramirango – donacado de libroj, KD-oj kaj DVD-pj en Esperanto al la municipaj biblioteko kaj lernejo - lanĉo de la Letero por la Enkonduko de Esperanto kiel elekteblan fremdlingvon de la lernejoj de Cearao, sendota al la aŭtoritatuloj pri edukado de la ŝtato kaj de la municipoj – konciza prezentado de la projekto por la Licenciiga Reta Kurso de Beletro pri la fako Instruado de Esperanto (Federacia Universitato de Cearao, Cearaa Esperanto-Asocio, Brazila Esperanto-Ligo kaj ŝtata kaj municipaj partneroj) – solena fermo per la Grupo Miozoto, gvidata de Iraneide Lopes. Loko: Teatrejo Raquel de Queirós. 12h - Malfermo de la ekspozicio pri libroj kaj aliaj esperantaĵoj. Loko: Placo de la restoracioj de Gvaramirango. 12h30 - Tagmanĝo. Loko: Placo de la restoracioj de Gvaramirango. 14h-18h - Promenado kun dulingvaj gvidantoj (portugala kaj esperanta lingvoj) - biciklado - ludoj ĉe la municipa lernejo (Grupo Miozoto). 20h - Prezentado de la kinofilmo “Gerda Malaperis”. Loko: Teatrejo Raquel de Queirós. Por infanoj: filmo kaj teatraĵo (Grupo Miozoto) 22h - Discotko en Esperanto. Lokal: Placo de la restoracioj de Gvaramirango – dume prezentado de lumbildoj pri la esperanta kulturo. La 13-a 7h-9h - Matenmaĝo. 9h30-11h30 - Prelegoj, ludoj, ekspozicio de libroj kaj aliaj esperantaĵoj. Kontakto kun alilandaj geesperantistoj per interreto. Lokoj: municipa lernejo kaj Virtuala Insulo de la municipo. 12h - Tagmanĝo. Local: Placo de la restoracioj de Gvaramirango. 15h - Reveno al Fortalezo.

iafantomo

Ian Fantom — 2013-03-20T16:49:13Z

Artikoloj de Ian Fantom

15a Internacia Lingva Festivalo

Hektor Alos i Font — 2010-07-23T17:53:06Z

Lingva Festivalo estas kultur-edukada projekto, organizata de esperantistoj tra la tuta mondo. La baza enhavo de la Lingva Festivalo estas lingvaj prezentoj. La prezento estas 30-45 minuta leciono enkadre de kiu oni povas aŭdi sonon de lingvo, lerni kelkajn frazojn, ekscii pri historio kaj simple komuniki kun homo el alia kulturo, ekscii pri vivrealeco de alia lando per konatiĝo kun lingvo. Tiu de Ĉeboksaro-Ŝupaŝkaro (Ĉuvaŝio, Rusio) estas la plej longe sinsekve organizata La tuta Festivalo fakte longas pli ol tuta semajno kaj kunigas 15-20 diversajn aranĝojn, ĉefe orientataj al lernejanoj kaj universitatanoj. La ĉefaj aranĝoj okazas vendrede, sabate kaj dimanĉe, kaj kutime kunigas ĉ. 1000 partoprenantojn, kiuj ĉeestas prezentojn de entute 30-40 lingvoj okazigataj en la ĉuvaŝa, la rusa aŭ esperanto.

9a - 12a Julio 2009: 45-a BET (Baltiaj Esperanto-Tagoj) en Paikuse / Pärnu, Estonio

Robert Bogenschneider — 2009-04-20T18:09:37Z

9a - 12a Julio 2009: 45-a BET (Baltiaj Esperanto-Tagoj) en Paikuse / Pärnu, Estonio

Kunvenejo de tiu tradicia kaj internacia aranĝo estas ejoj de la Polica Akademio. Inter alie okazas amuzaj vesperoj, Somera Universitato kaj amatorarta konkurso - kiu postulas aktivan kontribuon de partoprenantoj. La ĝenerala temo: kultura kaj lingva diverseco estas vasta kaj senfina studobjekto. Interese estus aŭskulti diversajn komprenojn.

Pliaj informoj ĉe: Tõnu HIRSIK / EAE, telefono: +372-6035272, retpoŝto: esperant@hot.ee
Aliĝilo: http://www.aliaflanko.de/kalendaro/BET45.rtf

Velo 3-a

Mahmud Mirbozorgi — 2009-01-21T07:10:35Z

Mi iomete malfrue skribas ĉi tiun raporton, pro la okupiteco. En la vendredo 9-a Jan. 2009 / 20-a Dej 1387en la Irea-oficejo okazis la tria Velo sesio. Mi iom pli frue ol la aliaj atingis tien kaj atendis por la Vel-emuloj. La amikoj iom post iom venis kaj je 4:20 komenciĝis la sesio. Ne partoprenis du anoj de Velo, t.e. Kambiz Ghadiri kaj Keyhan Sayadpour. La unua pro la vojaĝo kaj la dua pro la laboro. Kambiz sendis mesaĝon kaj bedaŭris ke li ne povas partopreni en la sesio. Anstataŭe novan partoprenanton ni havis, Majidi (Maĝidi) kiu memdire komencis Esperanton de kvin jaroj, kaj estas interesa pri la literaturo. Tiu sesio estis pli pri "William Auld", tiu granda eminenta verkisto, poeto, recenzito kaj redaktoro de la Esperanto-mondo. ------------------------------------------ Biografieto de William Auld AULD, William. 1924-2006. Skoto; vicestro de liceo. Eklernis Esperanton en 1937, sed aktiviĝis nur en 1947. Redaktoro de "Esperanto en Skotlando" (1949-55), de "Esperanto" de UEA (1955-58, 1961-62), de "Monda Kulturo" (1962-63), de "Norda Prismo" (1968-1972), de "La brita esperantisto" (de 1973), de "Fonto" (1980-87), literatura redaktoro de "Monato". Vicprezidanto de UEA (1977-80). Prezidanto de la Akademio (1979-1983). /William Auld en Esperanta Antologio, 1984. ------------------------------------------ Unue ni spektis dosieron pps-an kiun mi ŝtel-prunteprenis el la paĝaro de Keyhan Sayadpour. Keyhan mem ne ĉeestis pro la profesiaj okupaĵoj, sed lia verko (la pps dosiero) plenigis lian vakuon. Tiu dosiero estas mallonga prezentado de William Auld kaj lia kronologio, omaĝe al li pro lia forpaso. Mi rapide laŭtlegis la enhavon de tiu dosiero. Poste mi laŭtlegis artikoleton sub la nomo "Mondo de infano" elektita el la libro de William Auld, "Pajleroj kaj stoploj". Tiu artikoleto estas la travivaĵo de ĉiuj ni, kiam ni fatale paŝas el la diafana, kristala, paradiza kaj bunta al la miasma kotplena mondo de aktuala brutala konduto de homaro. Nu, tiun artikolon mi metas ĉi tie. ------------------------------------------ Mondo de infano Kiam mi estis tre juna infano, kaj sekve pli naiva ol mi hodiaŭ estas, mi estis tre, tre dankema, ke mi vivas dum la 20-a jarcento, kaj ne "en la historio". "En la historio" la homoj estis stultaj, kruelaj kaj malbonaj, sed feliĉe ĉiuj stultaĵoj, kruelaĵoj kaj malbonaĵoj estas jam forigitaj el la mondo, ĉiuj problemoj estas solvitaj, kaj la homoj estas raciaj, racie solvas ĉion laŭ evidentaj kriterioj de absoluta etiko. En la historio ekzistis sklavoj, sed tia afero estas evidente fia, ke dum la 20-a jarcento sklavoj jam ne povas troviĝi. En la historio okazis militoj, sed la unua mondmilito tiel konsternis la ordinarajn homojn de la tuta mondo, ke milito ne plu povos okazi. En la historio la regantoj estis absolutismaj kaj kapriceme traktis siajn subulojn. Sed hodiaŭ la popolo regas, kaj kapricemo estas abolita. Dum jarmiloj daŭris abomenaĵoj, kiujn la 20-a jarcento subite, per la hela vidkapablo de la moderna vizio, trovis jam ne tolereblaj. Hodiaŭ, pro la neŭtraleco de la Esperanto-movado, mi eĉ ne rajtas listigi ĉiujn abomenaĵojn, kiuj tiam ŝajnis al mi feliĉe postlasitaj en la ombroj de la historio, ĉar al multaj esperantistoj ili tute ne estas abomenaj! Kiel infano - sed komprenble vere juna infano - mi estis plue profunde dankema, ke mi naskiĝis brito, ĉar Britujo estas la plej mirinda, grandioza kaj progresema lando de la mondo, kaj ĝin ĉiuj aliaj landoj admiras kaj respektas. Seniluziiĝo malrapide eniris mian infanan mondon. Mi jam ne memoras la precizan tagon, kiam mi la unuan fojon konsciiĝis, ke mi - ho ve! ho ve! - ankoraŭ vivas "en la historio". William Auld el "Pajleroj kaj Stoploj" P.94 Kelkaj fotoj kiuj helpas alpaŝi al la mondo reala. ------------------------------------------ Ĝian persan tradukon vi povas trovi de ĉi tie. Ankaŭ la sonan dosieron vi povas aŭskulti ĉi tie. Poste ni aŭskultis kaj spektis la ŝercan poemon de ebrio. Mi faris videodosieron pere de ĝi kaj subtitolis ĝin. Tiu poemo estas ŝerca kaj ankaŭ mi ŝercis iomete kun la foto de William. Reza Hasanlu legis sian sonĝon kiun li estis verkinta kiel rakonteto. Ĝi estas intima elkordevena rakonteto kiun vi povas legi kaj aŭskulti. ------------------------------------------ Mia sonĝo Paŝinte sur la strato, mirinde mi vidis kelkajn homojn kiuj parolas Esperante. Do mi malrapide proksimiĝis al ili. Mi salutis ilin, ankaŭ ili resalutis min. Ili estis kvin personoj. Mi iom babilis kun ili kaj poste proponis: "Ĉu ni iru kafejon?" Du el ili diris: "Jes." kaj tri el ili: "Ne. Ĉar ni estas okupata kaj devas iri." Fine Tomoko kaj Karlo restis, ili estis geedzoj. Tomoko estis mezalta, iom grasa, kun longa nigra hararo, vestinta belan ĉemizon kun kimono. Karlo estis alta, malgrasa, kun vizaĝo iom nigra kaj serioza. Ni eniris la kafejon. Mi laŭte Esperante diris: "Saluton!" Nekredeble, iu respondis min same Esperante: "Saluton!". "Ho! Kiom ni estas feliĉaj, ĉar tiu servistino ankaŭ parolas Esperante." Mi diris al miaj geamikoj. Ŝi alkondukis nin ĉe tablo apud fenestro kaj donis al ni menuon kaj iris. Post kekaj minutoj mi rond-rigardis ĉirkaŭ la kafejon kaj vokis la servistinon. Ŝi rapide venis ĉe ni. Mi mendis kafon kaj Karlo same kiel mi, sed Tomoko petis oranĝsukon. Mi demandis al Karlo: "De kiu lando vi venas?" "Mi venas el Brazilo kaj Tomoko estas japana" Li diris. Mia scivolemo ekscitiĝis: "Kie vi konatiĝis unu kun la alia?" Ĉi foje Tomoko respondis: " Dum la Universala Kongreso okazinta en Jokohamo." Karlo daŭrigis: "Dum la Kongreso ni estis kune kaj ankaŭ post ĝi mi restis unu monaton ĉe Tomoko. Kaj post kalkaj monatoj ŝi venis al Brazilo ĉe mi. Unu jaron post nia interkonatiĝo, finfine ni geedziĝis en Japanio. La okuloj de Karlo jam brilis kaj li aldonis: "Esperanto proksimigas homojn unu al alia. Esperanto faciligas amikecon kaj ankaŭ geedziĝon. Mi finis mian kafon kaj diris: "Mi deziras feliĉon por vi." Rapide Tomoko diris ke, tiu servistino estas ŝia fratino, kaj ankaŭ ŝi estas sola, kaj ŝi... R I N G ... R I N G ... Subite mia vekhorloĝo sonoregis... ------------------------------------------ Mi bedaŭras ke la vekhorloĝo malhelpis al Reza por konatiĝo kun tiu nepre bela kaj aminda servistino. Sed tiu estis sonĝo, kaj mi deziras tian okazaĵon en la reala vivo. Tiel nia sesio venis al la fino kaj la plej bona parto estis trinki teon kaj kafon kune kun bongustaj kukoj. En la venonta sesio ni volas prezenti "Marjorie Boulton", kaj legi kelkajn ŝiajn verkojn. P.S. Mi petas el ĉiuj niaj karaj amikoj kontribui al niaj sesioj, la partoprenontoj pere de artikoloj kaj paroladoj kaj la surretaj amikoj pere de artikoloj, sondosieroj, fotoj, ekstraktitaj fragmentoj el la verkoj de Marjorie Boulton kaj intervjuoj.

Finiĝis fotokonkurso de Pola Esperanto-Junularo

Łukasz Żebrowski — 2010-09-30T23:45:11Z

Pola Esperanto-Junularo dum lastaj jaroj, produktis kelkajn esperantaĵojn: T-ĉemizojn por Ago-Semajno 2006 kaj Internacia Junulara Kongreso 2009, verŝajne plej famajn “Lingva revolucio” kaj plej laste ankaŭ malfermilojn “Esperanto - Probably the best language in the world”. En la konkurso ni premiis fotojn kun la esperantaĵoj, kiuj estis la plej interesaj, faritaj en plej neordinaraj lokoj. En la foto de Petro troviĝas litov-slovaka paro en ĉemizoj “Lingva revolucio”, sur la plej alta pola montopinto - Rysy. La foto estis farita somere 2009. Ceterajn premiitajn fotojn eblas vidi en la paĝo kun rezultoj de la konkurso.

UNUA ESPERANT-LINGVA TEATRO-STAĜO LAŬ LA RUSA METODO

Fanny Errant — 2010-05-14T17:26:58Z

Okazos la unua esperant-lingva teatro-staĝo en Minsko, Bjelorusio de la 19-a ĝis la 30-a de Julio 2010 Dusemajna intensiva trejnado kun multaj instruistoj kaj diversaj kursoj: improvizata teatro, scena esprimado, ritma dancado, parolprononco, kantado, bio-mekaniko… La staĝo interesos ĉiujn amantojn de amatora aŭ profesia teatro. Ĝi estos gvidata de spertaj instruistoj de la Akademio de Artoj de Minsko. Ĉiuj kursoj estos en la rusa kun samtempa interpretado al esperanto, tiel ke vi povu plene malkovri la teatro-lernadon tian, kian oni instruas ĝin en rusparolantaj landoj. Je la fino de la staĝo okazos spektaklo por la bjelorusa publiko. La spektaklo utiligos la ekzercojn kaj verkojn laboritajn dum la staĝo. Kosto de la dusemajna stâgo: Oksidentaj Eŭropanoj 472 €, Orientaj Eŭropanoj 320€, la aliaj 185€. Ni kore invitas vin al nia staĝo kaj ŝatus ke vi disvastigu la informojn pri ĝi ĉirkaŭ vi. Kore dankon. Amike. Fanny el Morgaŭ la Printempo retadreso: morgau.la.printempo@gmail.com Retejo : http://www.morgaulaprintempo.org Skype : dlptheatre tel/fakso : 00 331 42 81 33 96 Poŝtadreso : Demain le Printemps/Morgaŭ la Printempo 14 rue de la Tour d'Auvergne/ 75009 PARIZO/ FRANCIO