Libera Folio – Paĝo 10 – Libera Folio

Henri Ellenberger kronikis sian vivon Esperante

de Libera Folio je 2023-10-242023-10-31

La mondfama historiisto de medicino kaj krimologo Henri Ellenberger dum jaroj verkis taglibrojn grandparte en Esperanto. Entute la taglibroj ampleksas 41 volumojn, 12 000 paĝojn. Li naskiĝis en Afriko kiel filo de misiistoj. Dum la dua mondmilito fuĝis el okupita Francio al Svisio, kaj poste migris al Ameriko. La Montreala esperantisto Ĵenja Amis legis la unuan volumon, kiu temas pri lia eskapo kaj vivo dum la dua mondmilito.

Fragmento el la taglibro de Henri Ellenberger

de Libera Folio je 2023-10-242023-10-24

“Nia lasta tago en Francujo. Ni fruege vekiĝis k leviĝis, tiam enviciĝis je kvina k duono. Vojaĝo longa, malfacila, teda, kun koroj maltrankvilaj.”

Pinta verko pri misteroj de planlingvoj

de Libera Folio je 2023-10-172023-10-17

Antaŭ du jaroj la plej prestiĝa premio por germanlingvaj verkistoj estis aljuĝita al Clemens J. Setz, konata interalie pro tradukoj de William Auld al la germana. Nun en Esperanto aperis lia grava verko pri planlingvoj, ĉefe pri Esperanto. Li en ĝi verkas ne nur pri historiaj faktoj kaj biografioj, sed ankaŭ pri siaj konversacioj kun konataj esperantistoj. Pri la libro rakontas la tradukinto Detlef Karthaus.

Finnoj kaj ukrainoj nun oficiale ekzistas

de Libera Folio je 2023-10-102023-10-10

La Akademio de Esperanto ĵus oficialigis 420 novajn radikojn. Kiel kutime, la nun oficiale aprobitaj vortoj estas vaste uzataj jam de multaj jaroj. Grandparte temas pri nomoj de landoj, popoloj kaj urboj. Oficialaj estas nun Finnlando, Barato kaj Moskvo. La ĉefurbo de Ukrainio aliflanke plu havas neniun oficialan nomon en Esperanto.

10-a Oficiala Aldono al la Universala Vortaro

de Libera Folio je 2023-10-072023-10-10

La 24-an de septembro 2023, la Akademio aprobis la 10-an Oficialan Aldonon al la Universala Vortaro, kun 420 novaj radikoj kaj 832 novaj vortoj aŭ plurvortaj terminoj kaj iliaj difinoj. Voĉdonis 41 akademianoj el 45 (91%), 32 aprobis (78%), 4 voĉdonis kontraŭ kaj 5 sindetenis. Libera Folio publikigas la plenan tekston.

Nenio klaras pri la retejaj planoj de UEA

de Libera Folio je 2023-10-042023-10-05

Kion decidis la komitato de UEA pri la reteja renovigo? Kio okazos nun? Ĉu UEA tute forlasos la administran sistemon AKSO, kiun laŭ mendo de UEA dum pluraj jaroj ellaboris TEJO? Post la publikigo de estrara raporto pri la pasintsemajna neformala kunveno de komitatanoj la afero eĉ malpli klaras ol pli frue.

Decido pri nova retejo denove prokrastita

de Libera Folio je 2023-09-262023-09-26

Komitatanoj de UEA konsentis denove prokrasti decidon pri la nova retejo kaj la administra sistemo Akso. La projekto de reteja renovigo daŭras ekde 2013. Dum sabata kunsido estis konsentite, ke la komitato estos informita pri progresoj en januaro 2024.

Malklaras la sorto de la libroservo de UEA

de Libera Folio je 2023-09-192023-09-19

Jam antaŭ du jaroj la komitato de UEA decidis, ke la libroservo de la asocio estonte estos prizorgata de la organizaĵo E@I en Slovakio. Tamen ĝis nun la afero pendas, ŝajne ĉar oni ne sukcesis konsenti pri la konkretaj kondiĉoj de la transdono. Provizore la libroservon partatempe prizorgas Ionel Oneț, kiu devus emeritiĝi fine de 2022.

Baza legolisto aktualigita proze kaj poezie

de Libera Folio je 2023-09-122023-09-12

Antaŭ kvarona jarcento William Auld laste ĝisdatigis sian liston de la gravaj beletraĵoj originale verkitaj en Esperanto. Nun ĝi estis kompletigita de Sten Johansson, kiu elektis pliajn prozajn verkojn, kaj de Nicola Ruggiero kaj Suso Moinhos, kiuj aldonis titolojn al la poezia parto. Sed pluraj gravaj verkoj en la listo ne plu facile haveblas.

Novaj planoj por Pasporta Servo

de Libera Folio je 2023-09-052023-09-05

Pasporta Servo iam estis eble la ĉefa servo de TEJO, sed nun dum pluraj jaroj funkcias preskaŭ sendepende de la organizaĵo al kiu ĝi formale apartenas. En la nova estraro de TEJO pri Pasporta Servo respondecas Patricio Agustín Iglesias, kiu nun volas evoluigi kaj aktualigi la servon.

Osmo Buller pri REU pretas aktivi en okupita teritorio: “”En antaŭvidebla estonteco, pliaj regionoj de la pereanta Ukrainujo petos aliĝon al la Rusuja Federacio. Nur atendu kaj vidu!” Mi…” dec 23, 11:59
Francisco Javier Moleón pri REU pretas aktivi en okupita teritorio: ““Foje mi miras, kial kelkaj homoj entute lernis Esperanton.” Eble De Beaufront pravis kaj “Esperanto estas nura lingvo kaj nenio…” dec 23, 10:49
Hans pri REU pretas aktivi en okupita teritorio: “”mi opinias, ke Ukrainujo estas liberigenda el la malpuraj manoj de la sangosuĉantaj tutmondistoj” Ke por atingi tiun noblan celon…” dec 23, 10:11
Tjeri pri REU pretas aktivi en okupita teritorio: “Mi miras, kial la potenculoj en Rusio tiel malamas siajn homojn, ke ili peladas ilin al la morto, nun pelontaj…” dec 23, 10:00
Sebastiano pri REU pretas aktivi en okupita teritorio: “Mi miras, kial la potenculoj en la okcidenta bloko tiel malamas la ukrainanojn, ke ili peladas ilin al la morto,…” dec 22, 17:10