Libera Folio – Paĝo 4 – Libera Folio

Spotify blokis Esperantan podkaston

de Libera Folio je 2024-08-262024-08-26

Usone Persone, unu el la plej konataj podkastoj en Esperanto, estis ripete blokita de la elsendoservo Spotify. Ĉar ne eblis ricevi klarigon pri la kaŭzo de la problemo, Usone Persone nun transiris al alia servo. La podkasto festas sian dujariĝon en la 26-a de aŭgusto, kaj jam produktis 27 epizodojn.

La katalogado de Biblioteko Hodler progresas

de Libera Folio je 2024-08-202024-08-21

Antaŭ iom pli ol jaro la ĉefa parto de Biblioteko Hector Hodler de UEA estis transdonita al la Nacia Biblioteko de Pollando en Varsovio. La kolekton tie prizorgas Gabriela Skonieczna, kiu konsentis rakonti al Libera Folio pri la nuna stato de la aferoj. La katalogado de la ampleksa materialo plu daŭras, kaj por daŭra kompletigo de la kolekto oni nun instigas esperantistajn eldonejojn sendi siajn librojn al Varsovio.

En Aruŝo venkis idealismo

de Libera Folio je 2024-08-152024-08-15

Tim Owen estis skeptika pri la plano organizi Universalan Kongreson en Afriko. Pro la financaj baroj en monda perspektivo UK estas elitisma aranĝo, kaj tial apenaŭ iuj afrikanoj povos ĝin partopreni, li kredis. Sed surloke li devis konstati ke li eraris – kaj publike konfesi sian pekon.

En Tanzanio gejoj riskas dumvivan malliberigon

de Libera Folio je 2024-08-132024-08-14

Pro la persekuto de seksaj minoritatoj en Tanzanio, LSG jam antaŭ jaro malrekomendis al siaj membroj kaj aliaj GLAT-aj esperantistoj partopreni la kongreseon en Aruŝo. Lige kun la UK la organizaĵo aperigis specialan numeron de Forumo por prilumi la situacion en la lando.

UEA funkcios per volontuloj kaj laborgrupoj

de Libera Folio je 2024-08-102024-08-11

La komitato de UEA en Aruŝo dediĉis multe da tempo al diskuto pri la rekomendoj de la komitataj forumoj. Laŭ tiuj rekomendoj, granda parto de la laboro estu farata de volontuloj kaj laborgrupoj. Tiel oni intencas realigi ekzemple la longe atenditan Almanakon, kaj la funkciigon de la administra sistemo Akso. Fine la rekomendoj estis resenditaj al la estraro.

Vendi la domon de UEA ne estas urĝa afero

de Libera Folio je 2024-08-072024-08-07

Kvindeko da kongresanoj ĉeestis, kiam estraranoj de UEA respondis al demandoj. Kritikaj demandoj malmultis. Oni eksciis interalie, ke UEA uzis ĝis 80 000 eŭrojn por certigi la partoprenon de afrikanoj en la unua afrika UK. Pri la vendo de la domo la estraro respondis, ke kaze de neceso eblus rapide forigi la libroservon de tie.

Charters monologis pri la strategio de UEA

de Libera Folio je 2024-08-062024-08-06

La Centra Oficejo laboris bone siatempe, sed ne plu estas bezonata, ĉar eblas dungi homojn kie ajn en la mondo por labori por Esperanto. Tion klarigis prezidanto Duncan Charters dum sia prelego pri la strategia direkto de UEA dum la UK en Aruŝo. Diskuto ne okazis kaj malmultaj kongresanoj interesiĝis pri la prelego.

Kaosa inaŭguro kun multaj gravuloj

de Libera Folio je 2024-08-052024-08-06

En la ĉi-jara Universala Kongreso male ol kutime ne superregas la eŭropaj partoprenantoj. Krom afrikanoj estas multaj partoprenantoj el Azio, interalie granda ĉina grupo, kiu en dimanĉo okazigis ”ĉinan tagon”. En dimanĉo kompreneble okazis ankaŭ la solena inaŭguro, kun ĉeesto de multaj gravuloj.

Komenciĝas la unua afrika Universala Kongreso

de Libera Folio je 2024-08-032024-08-04

Komenciĝas la Universala Kongreso en Aruŝo. Laŭ la retejo de UEA 837 homoj el 66 landoj aliĝis al la kongreso. Multaj el la eŭropaj aliĝintoj tamen ŝajne ne alvenis al la unua afrika UK. En sabato okazas la jam tradicia movada foiro.

TEJO prokrastis elekton de nova estraro

de Libera Folio je 2024-07-302024-08-01

La komitato de TEJO kuniĝis por elekti novan estraron kaj diskuti la mankon de aktiveco en la komisionoj. Sed pro procedura kialo kaj manko de tempo, oni devis prokrasti la elekton de la estraro. Fine ankaŭ la funkciado de la komisionoj ne estis diskutita.

Johano pri UEA subite ŝanĝis la datojn de la UK en Brno: “Se la deiro por la esperantigo estas la prononco kaj ne la formo en aliaj lingvoj (kiel la latina Bruna),…” jan 22, 10:43
Tim Owen pri UEA subite ŝanĝis la datojn de la UK en Brno: “Plursignifeco min ne ĝenas (ĝi ja estas ĉiutaga fenomeno en Esperanto, kaj landnomo kaj koloro estas tute malsamaj, kiel ĉe…” jan 22, 09:47
Hans pri UEA subite ŝanĝis la datojn de la UK en Brno: ““Bruno” ne vere allogas, ĉar jam ekzistas tiu vorto en E-o (bruna-bruno). “Brunno” ne vere allogas, ĉar duobla sennecesa n…” jan 22, 09:11
Komentanto pri UEA subite ŝanĝis la datojn de la UK en Brno: “Dankon por la klarigoj. Do temas pri novo kiun neniu vere bezonas. Kial la organizantoj ne shatas “Bruno” au “Brunno”…” jan 22, 05:24
Jouko Lindstedt pri UEA subite ŝanĝis la datojn de la UK en Brno: “La Konsultejo de la Akademio siatempe rekomendis la formon “Bruno”, kiun la organizantoj de la kongreso tamen malakceptis. Poste pluraj…” jan 21, 20:50