Libera Folio – Paĝo 7 – Libera Folio

Eksterlandanoj ne plu rajtas membri en REU

de Libera Folio je 2024-03-192024-03-19

Sekvante ŝanĝojn en la rusia leĝaro la estraro de Rusia Esperantista Unio decidis ke alilandaj esperantistoj ne plu rajtas membri en ĝi. Mallonga analizo de la leĝa teksto montras ke tiu decido povas esti senbaza, skribas Grigorij Arosev.

Esperantisto arestita en Rusio

de Libera Folio je 2024-03-122024-03-12

La esperantista maldekstra aktivulo kaj muzikisto Jurij Ĉilikin estis arestita en Niĵnij Novgorod en Rusio. Oni akuzas lin pro “pravigo de terorismo”. La puno laŭ la nunaj rusiaj leĝoj povas esti malliberigo ĝis sep jaroj. Ne klaras, ĉu lia partopreno en esperantista muzikgrupo rilatas al la akuzo.

George Soros memoras pri IJK en 1947

de Libera Folio je 2024-03-052024-03-05

La mondfama financisto George Soros ne forgesis pri sia esperantista junaĝo. Post la 100-jara jubileo de la iama prezidanto de UEA, Grégoire Maertens, Soros aparte dankis al Maertens pro helpo kiu ebligis al li partopreni en la IJK en 1947, kiam li havis malfacilaĵojn enveturi en Brition.

La sorto de la bjalistoka geto nun en Esperanto

de Libera Folio je 2024-02-262024-02-27

Zamenhof iam nomis sin ”hebreo el la geto”. Kiam la nazia Germanio dum la dua mondmilito okupis lian naskiĝurbon, Bjalistokon, inter la unuaj viktimoj tie estis du aktivuloj de Zamenhofa… [Legu plu]

Tri esperantismoj post la venko de la angla

de Libera Folio je 2024-02-212024-02-21

La angla lingvo jam atingis statuson, kiun esperantistoj sendube konsiderus ”fina venko” – se nur temus ne pri la angla, sed pri Esperanto. Krome rapide evoluas komputilaj tradukiloj. Kiaj motivoj do ekzistas por plu okupiĝi pri Esperanto, demandas sin Jouko Lindstedt – kaj trovas tri respondojn.

350 000 artikoloj en la Esperanta Vikipedio

de Libera Folio je 2024-02-20

La Esperanta Vikipedio en mardo atingis la kvanton de 350 000 artikoloj. Ĝi nun estas sur la 36-a loko el 326 en la listo de diverslingvaj Vikipedioj. La kvanto de artikoloj estas pli granda ol ekzemple en la dana, sed multaj esperantistoj trovas la kvaliton nekontentiga.

Politika movado de Varoufakis uzas Esperanton

de Libera Folio je 2024-02-132024-02-13

Eŭropon regas oligarkoj. Tion asertas politika movado fondita de Yanis Varoufakis, iama financministro de Grekio. La movado, kiu aktive uzas Esperanton, interalie kampanjas por liberigo de sia membro Julian Assange, sporta bojkoto de Israelo kaj ”demokratia revolucio”.

Spacveturo kaj vortordo

de Libera Folio je 2024-02-112024-04-22

Forpasis Wim Jansen, multjara dungito de Eŭropa Kosma Agentejo (ESA), kiu poste doktoriĝis pri la vort-ordo en Esperanto kaj gvidis la katedron pri interlingvistiko kaj Esperanto en la Universitato de Amsterdamo. Ulrich Lins rakontas pri kolego, kiun li konis de jardekoj.

Esperantistoj kolektas monon por Palestino

de Libera Folio je 2024-02-062024-02-06

La esperantista volontula teamo de la muzikfestivalo en Roskilde, Danio, pli frue kolektis monon por helpi al esperantistoj en Ukrainio, kiuj suferas pro la atako de Rusio. Nun la teamanoj decidis kolekti monon ankaŭ por palestinanoj, kiuj suferas pro la milito en Gazao.

Populara usona podkasto rakontas pri Esperanto

de Libera Folio je 2024-01-312024-02-01

Popularega usona podkasto en la 25-a de januaro publikigis longan, tre favoran epizodon pri Esperanto. La podkasto Stuff You Should Know (”Aferoj por scii”) regule aperas ekde 2008 kaj estas unu el la plej aŭskultataj en la tuta mondo.

Sebastiano pri REU pretas aktivi en okupita teritorio: “Mi miras, kial la potenculoj en la okcidenta bloko tiel malamas la ukrainanojn, ke ili peladas ilin al la morto,…” dec 22, 17:10
Katono la maljuna pri REU pretas aktivi en okupita teritorio: “Mi neniel ŝercas, sed celas ĝuste tion, kion mi skribis – eĉ se rusofobiaj botlekuloj ne povas imagi tion pro…” dec 22, 14:02
Matheus pri UEA plu vivos per eŭropaj subvencioj: “Bone, ke la subvencioj fluas abunde. Mi ĝojas, ke la financoj de UEA nun estas tre stabilaj. Mi cetere opinias,…” dec 22, 12:35
Matheus pri REU pretas aktivi en okupita teritorio: “Katono: Bona ŝerco! Tamen vi forgesis. Katono ĉiam finis la komentojn jene (latina): “Delenda est Ucraina”” dec 22, 12:18
Katono la maljuna pri REU pretas aktivi en okupita teritorio: “La Aŭtonoma Respubliko Krimeo kaj la Sebastopola municipo, same kiel la Ĥersona, Zaporoĵa, Donecka kaj Luganska oblastoj estas kaj restas…” dec 22, 09:50