interreto – Paĝo 3 – Libera Folio

Unukornuloj parolas Esperanton

de Libera Folio je 2022-12-182022-12-19

Ne nur homoj scias konversacii en Esperanto. La babil-roboto ChatGPT kapablas ne nur retbabili kun homoj en diversaj lingvoj – ankaŭ en Esperanto – sed eĉ verki artikolojn kaj kantotekstojn, kun impresaj rezultoj. Marc van Oostendorp petis la roboton krei tekstojn pri mondo, en kiu Esperanton parolas ankaŭ unukornuloj.

Pli da mono por nova retejo de UEA

de Libera Folio je 2022-12-062022-12-06

UEA uzos pliajn 18 000 eŭrojn por la nova retejo dum la venonta jaro. Tion decidis la komitato en sia sabata reta kunveno, kiam estis aprobita la buĝeto por 2023. TEJO ne plu havas monon por pagi la laboron de la programisto.

Eventa Servo havigis novan retadreson

de Libera Folio je 2022-12-062022-12-06

Eventa Servo disvastigos informojn pri Esperanto-eventoj per la adreso Esperanto.events.

Rusiaj esperantistoj postulas pardonpeton

de Libera Folio je 2022-11-092022-11-09

Protesta letero sendita nome de “rusiaj esperantistoj” postulas, ke UEA ĝis la 1-a de decembro ree enoficigu la eksigitan ĉefdelegiton Svetlana Smetanina kaj pardonpetu al ŝi pro la eksigo. Laŭ la Estraro de UEA la komentoj de Smetanina subtene al militaj agoj de Rusio damaĝas la publikan bildon de la asocio.

Elon Musk pelas esperantistojn el Twitter

de Libera Folio je 2022-11-012022-11-01

La miliardulo Elon Musk aĉetis la socian retejon Twitter, kaj tuj diskonigis grandajn ŝanĝojn. En kombino kun liaj propraj strangaj afiŝoj en la retejo, tio konvinkis multajn uzantojn de Twitter ekserĉi alternativojn. La plej populara ŝajnas esti la servo Mastodon, kien alvenis ankaŭ novaj esperantistoj.

Amikumu 5-jariĝas kaj renoviĝas

de Libera Folio je 2022-04-22

La retservo Amikumu lanĉas renovigitan, kvaran version de sia poŝtelefona apo por sia 5-jara naskiĝtago, la 22-a de aprilo. Ni parolis kun Chuck Smith por ekscii, kio okazis pri la servo dum la lastaj kvin jaroj kaj kiajn perspektivojn ĝi havas nun. Dum la lasta monato milo da homoj uzis la apon, kaj 60 procentoj el la Amikumu-membroj almenaŭ iom scias Esperanton.

Novaj reguloj pri komentado

de Libera Folio je 2022-02-132022-02-14

Por altigi la nivelon de la diskuto en Libera Folio, nur registritaj uzantoj kiuj indikas sian plenan nomon ekde nun povos afiŝi komentojn en Libera Folio.

Vortludo furoras ankaŭ en Esperanto

de Libera Folio je 2022-02-012022-02-02

La anglalingva vortludo Wordle ekfuroris en la reto en decembro 2021 kaj ĵus estis aĉetita de New York Times. Rapide aperis kopioj en aliaj lingvoj – en Esperanto almenaŭ du. Ni parolis kun la kreinto de unu el tiuj.

Pasporta Servo bone fartas eĉ sen komisiito

de Libera Folio je 2021-09-092021-09-09

Pasporta Servo dum multaj jaroj estis unu el la ĉefaj servoj de TEJO. La tradicia papera listo de gastigantoj post sepjara paŭzo denove aperis en 2017, kaj nova papera eldono ne plu estas planata. Aliflanke la retejo, kiu estis komplete renovigita en 2015, bone funkcias, kaj estas pli ol du mil gastigantoj en pli ol cent landoj.

Vikipedio nun havas 300 000 artikolojn

de Libera Folio je 2021-07-192021-07-20

La Esperanta Vikipedio atingis novan rekordon: 300 000 artikoloj. Ĝi nun estas la 35-a Vikipedio laŭ la amplekso. Malpli grandaj estas ekzemple la bulgara, dana kaj kroata Vikipedioj.

Katono la maljuna pri REU pretas aktivi en okupita teritorio: “La Aŭtonoma Respubliko Krimeo kaj la Sebastopola municipo, same kiel la Ĥersona, Zaporoĵa, Donecka kaj Luganska oblastoj estas kaj restas…” dec 22, 09:50
Aleksej Salomatov pri REU pretas aktivi en okupita teritorio: “Mi emocie reagis sen intenco ofendigi vin. Mi pensas ke vi vane kunigis en unu dosiero du malsimilajn kazojn, ĉar…” dec 19, 16:50
Aleksej Salomatov pri REU pretas aktivi en okupita teritorio: “Kompreneble mi subtenas la tezon de Osmo Buller, ke landaj asocioj de UEA ne rajtas aktivi en okupitaj teritorioj ekster…” dec 19, 16:49
Osmo Buller pri REU pretas aktivi en okupita teritorio: “Ĉar vi miskomprenis la aferon, mi ripetu: landa asocio de UEA ne rajtas aktivi en okupita teritorio ekster la internacie…” dec 18, 11:19
Filarete pri UEA plu vivos per eŭropaj subvencioj: “Kvankam Akso estas programita per tute kutimaj iloj, la sistemo estas tiamaniere redaktita ke preskaŭ nur la kreinto povas evoluigi…” dec 18, 10:21