movado – Paĝo 30 – Libera Folio

Denove demisiis ĝenerala sekretario de TEJO

de Libera Folio je 2020-05-112020-05-11

La seriozaj problemoj en la estraro de TEJO daŭras. Jam la duan fojon ene de duonjaro demisiis la ĝenerala sekretario. Pli frue en la komitata diskutejo Querino Neto malkontentis pri la neaktiveco de pluraj aliaj estraranoj, interalie la prezidanto.

La Akademio distancigas sin de seksismo

de Libera Folio je 2020-05-112020-05-16

Lige kun disputo pri seksa molestado en Esperantujo la Akademio de Esperanto en malofta publika komuniko deklaras sian volon ”defendi kaj antaŭenigi la egalecon de kaj justecon por ĉiuj homoj, sendiskriminacie”. La sama komuniko aludas, ke mankas virinoj kun sufiĉa lingva kompetento por eniri la Akademion. Libera Folio petis komenton de ĉiuj kvin nunaj virinaj akademianoj.

Esperantistoj trafitaj de inundo en Uvira

de Libera Folio je 2020-05-062020-05-06

80 000 loĝantoj de la orienta parto de Demokratia Respubliko Kongo (”Kongo-Kinŝasa”) estis diversmaniere trafitaj de severaj inundoj fine de aprilo, kaj pli ol 40 pereis. Inter la trafitoj en la urbo Uvira estas ankaŭ esperantistoj.

La estraro forgesis resanigi la financojn de UEA

de Libera Folio je 2020-05-042020-05-05

En januaro la estraro de UEA devis prezenti al la komitato alternativojn por financa resanigo de la asocio. Tiu raporto daŭre mankas, sed nun la estraro fondis ”investan konsilantaron” kaj komisiis Francesco Maurelli labori pri ”investo de nemoveblaĵoj”.

La viruso aktivigis esperantistajn ŝakemulojn

de Libera Folio je 2020-05-012020-05-01

Same kiel multaj aliaj esperantistaj fakaj asocioj, ankaŭ la ŝakista EŜLI delonge ne montras ajnajn vivosignojn. Sed tio ne signifas ke malaperis esperantlingvaj ŝakemuloj. Nun pro la viruso ili aktiviĝis en la reto kaj ĉiusabate turniras.

Forpasis Hans Erasmus

de Libera Folio je 2020-04-272020-04-27

Fine de marto forpasis Hans Erasmus (1933–2020), la ĉefa arkitekto de la katedro pri Interlingvistiko kaj Esperanto ĉe la Universitato de Amsterdamo. ”La granda merito de Hans estis triobla: li kunkreis la katedron, kontinuigis ĝin sub la nova flago de IEI kaj savis ĝin per transdono al la nuna partnero UEA”, skribas lia multjara kolego Wim Jansen.

IJK 2020 okazos nur en la reto

de Libera Folio je 2020-04-252020-04-25

La Internacia Junulara Kongreso de TEJO, kiu ĉi-jare estis planita por Nederlando, pro la kronvirusa pandemio ne povos okazi ĉeeste. Anstataŭe ĝi okazos rete.

Eventa Servo helpas trovi retajn renkontiĝojn

de Libera Folio je 2020-04-232020-04-23

La malferma tago de la Centra Oficejo okazos sabate la 25-an de aprilo – en la reto. Pro la kronviruso multaj renkontiĝoj ne povas okazi fizike, eĉ ne la Universala Kongreso. Eventa Servo nun proponas tute novan manieron trovi retajn aranĝojn.

UEA perdos 45.000 eŭrojn pro la nuligo de la UK

de Libera Folio je 2020-04-132020-04-14

La estraro de UEA konfirmis, ke la ĉi-jara Universala Kongreso ne okazos, sed la kongresanoj, kiuj jam pagis aliĝkotizon, rajtos uzi la monon por pagi la kongreskotizon en 2021 aŭ 2022. La nuligo de la kongreso kreskigas la buĝetan deficiton de UEA je 45.000 eŭroj.

Sumoo instigas al vekado de dormantaj libroj

de Libera Folio je 2020-04-12

Hori Jasuo elpensis la Esperanto-sumoon por ke ankaŭ komencantoj eklegu librojn en Esperanto, ĉar nur tiel oni laŭ li povas vivteni la lingvon. ”Mi ĉiam aĉetis plurajn Esperanto-librojn, sed tiuj libroj tuj kuŝis kaj endormiĝis en mia libroŝranko, kaj neniam vekiĝis”, li klarigas en intervjuo de Libera Folio.

Sten Svenonius pri Premioj gravas por montri agnoskon al aktivuloj: “Estas tre bone ke infanoj denaske lernas Esperanton. Miaj tri infanoj faris tion kaj nun mi parolas Esperanton al mia…” jan 14, 21:55
Kirill Ŝvedov pri Ŝtataj Esperanto-ekzamenoj ĉesas en Hungario: “Do, bonvole ne rezignu pri la projekto Aŭdvide kaj ne forgesu onin informi pri novaj publikaĵoj! Vi povas sekvi paĝojn…” jan 11, 18:39
Zaurāk Sadalmelīk Wójcik pri Ŝtataj Esperanto-ekzamenoj ĉesas en Hungario: “Oni, en Esperantujo, ja bezonas inspiron. Kaj apogon! Oni mem scias, kiel estas frustre ne trovi ian ajn apogon koncerne…” jan 11, 12:12
Kirill Ŝvedov pri Ŝtataj Esperanto-ekzamenoj ĉesas en Hungario: “Dankon, ke vi trovis mian laboron utila. Tio ĉiam tre inspiras. Inter alie, tio estas miavide unu el variantoj, kiel…” jan 10, 19:20
Jouko Lindstedt pri Plia esperantisto pereis en la milito en Ukrainio: “Ĝuste en Rusujo oni tradicie distingas inter la etnaj rusoj kaj ĉiuj Rusujanoj. En la plej multaj landoj oni ne…” jan 9, 16:35