movado – Paĝo 38 – Libera Folio

Legantoj de la revuo Esperanto kontentas

de Libera Folio je 2018-07-312018-08-02

Neniuj akraj kritikoj aŭdiĝis, kiam legantoj de la revuo Esperanto renkontis la redaktoran paron marde posttagmeze. Ĉefe zorgigis la publikon la risko, ke la papera revuo povos malaperi.

UEA-membreco kostos 74 eŭrojn jare

de Libera Folio je 2018-07-302018-07-31

En ekstra kunsido en lundo la komitato de UEA altigis la kotizon de membro-abonanto en riĉaj landoj de 64 eŭroj al 74 eŭroj. Por nura reta membreco oni pagos 44 eŭrojn jare. Kiom pagos loĝantoj de malpli riĉaj landoj ne tute klaras.

La Centra Oficejo restos en Roterdamo

de Libera Folio je 2018-07-292018-08-01

La demando pri la situo de la Centra Oficejo regule reaperadas, ĉar iuj asertas, ke UEA povus atingi gravajn ŝparojn, se la oficejo troviĝus en malpli kosta lando. La estraro tamen almenaŭ momente ne planas tian drastan ŝanĝon.

La komitato ne kontraŭis Trezoron

de Libera Folio je 2018-07-282018-07-30

La 103-a Universala Kongreso en Lisbono komenciĝis sabate posttagmeze per komitata kunsido. La elekto de Trezoro Huang Yinbao kiel estrarano estis aprobita, sed la demando pri la elekto de pliaj novaj estraranoj estis prokrastita ĝis vendredo. Ĝis nun aliĝis al la kongreso proksimume 1.500 homoj el 73 landoj.

UEA uzis 33.000 eŭrojn por nova retejo

de Libera Folio je 2018-07-192018-07-19

Ĝis nun UEA elspezis proksimume 33.000 eŭrojn por reteja renovigo, kiu estis deklarita ĉefa prioritato de la asocio antaŭ kvin jaroj. La ankoraŭ ne ekzistanta retejo devos anstataŭi la Jarlibron, pri kies nuligo decidos la komitato de UEA post tri semajnoj.

Lisbono promesas plene portugalan kongreson

de Libera Folio je 2018-07-142018-07-14

Multo, eble eĉ ĉio, estos iel specife lisbona kaj portugala dum la baldaŭa Universala Kongreso, asertas LKK-ano António Martins-Tuválkin en intervjuo de Libera Folio. Li ankaŭ konsilas, kiun pordon de la flughaveno elekti por eviti trompemajn taksiistojn.

Esperanto furoras en renkontiĝejo de Duolingo

de Libera Folio je 2018-06-272018-06-27

Esperanto jam iĝis la 6-a plej aktiva lingvo en la nova sistemo de Duolingo por fizikaj renkontiĝoj de lernantoj. UEA helpas funkciigi la sistemon en Esperanto, kiu aldoniĝos al la jamaj du lingvoj, la angla kaj la hispana.

Esperantistoj vivtenas aktivulojn en Afriko

de Libera Folio je 2018-06-202018-06-20

La proksimume sesdek mecenatoj de la asocio Esperanto Plus kolektas kaj sendas monon por vivteni kvar Esperanto-aktivulojn en Afriko. ”Ĉiu subtenato agas laŭ siaj kapabloj kaj povoj”, rakontas Niko Gaufillet, unu el la plusuloj.

TEJO pripensas siajn politikajn poziciojn

de Libera Folio je 2018-06-132018-06-13

Same kiel UEA, ankaŭ ĝia nun sendependa junulara sekcio TEJO estas laŭstatute politike neŭtrala. Tamen la gvidantoj de TEJO nun ekdiskutas, kiajn politikajn poziciojn la asocio alprenu.

UEA nuligas la Jarlibron kaj altigas la kotizon

de Libera Folio je 2018-05-102018-05-10

Ekde 2019 UEA ne plu aperigos paperan Jarlibron. Samtempe la asocio planas draste altigi la kotizojn. Anstataŭ 11 eŭroj la plej malalta jara kotizo en Nederlando iĝos 44 eŭroj. Por ricevi la revuon Esperanto sur papero necesos pagi 74 eŭrojn.

AlKo pri REU pretas aktivi en okupita teritorio: ““REU pretas aktivi” — bela ŝerco pri ĉi tiu eta koterio.” dec 23, 15:22
Osmo Buller pri REU pretas aktivi en okupita teritorio: “”En antaŭvidebla estonteco, pliaj regionoj de la pereanta Ukrainujo petos aliĝon al la Rusuja Federacio. Nur atendu kaj vidu!” Mi…” dec 23, 11:59
Francisco Javier Moleón pri REU pretas aktivi en okupita teritorio: ““Foje mi miras, kial kelkaj homoj entute lernis Esperanton.” Eble De Beaufront pravis kaj “Esperanto estas nura lingvo kaj nenio…” dec 23, 10:49
Hans pri REU pretas aktivi en okupita teritorio: “”mi opinias, ke Ukrainujo estas liberigenda el la malpuraj manoj de la sangosuĉantaj tutmondistoj” Ke por atingi tiun noblan celon…” dec 23, 10:11
Tjeri pri REU pretas aktivi en okupita teritorio: “Mi miras, kial la potenculoj en Rusio tiel malamas siajn homojn, ke ili peladas ilin al la morto, nun pelontaj…” dec 23, 10:00