movado – Paĝo 41 – Libera Folio

La ŝrumpado de UEA momente haltis

de Libera Folio je 2018-04-062018-04-07

La kvanto de individuaj membroj de UEA denove kresketas, tamen de rekorde malalta nivelo kaj tre malrapide. Ĉi jare UEA eble havos 4.600 individuajn membrojn. Laŭ la strategia plano akceptita en 2013, la membroj devus esti 7.178.

Biciklado de Berlino al Lisbono

de Libera Folio je 2018-04-022018-04-02

La distanco estas iom malpli ol 3.000 kilometroj, kaj la vojaĝo daŭros 48 tagojn. Tiel aspektas la plano de bicikla karavano el Berlino al la Universala Kongreso en Lisbono. Almenaŭ tri homoj kaj unu hundo biciklos la tutan vojon.

Financa laborgrupo volas ke UEA draste ŝparu

de Libera Folio je 2018-03-042018-03-05

UEA ne plu dungu oficistojn en Roterdamo sed movu laborojn al malpli kostaj landoj. La revuoj kaj Jarlibro de UEA ne plu aperu sur papero. La asocio eble liberiĝu de la neprofita libroservo. Jen proponoj de la financa laborgrupo de UEA por savi la asocion de bankroto.

UEA promesas novan retejon ene de kelkaj monatoj

de Libera Folio je 2018-02-272018-02-28

Laŭ Mark Fettes la laboro pri la retejo malrapide progresis interalie pro problemoj en la Centra Oficejo. La decido pri renovigo estis farita en 2013. Post unu-du monatoj Fettes esperas vidi la unuan rezultojn.

Elekta komisiono volas du novajn estraranojn

de Libera Folio je 2018-02-272018-03-01

Post la elekto de Aleks Kadar kiel nova ĝenerala sekretario de UEA, la elekta komisiono proponas ke aldone aldone estu elektitaj du pliaj estraranoj: Huang Yinbao (Trezoro) kaj Orlando Raola.

Aleks Kadar nova ĝenerala sekretario de UEA

de Libera Folio je 2018-02-082018-02-08

Per dua voĉdonado la komitato de UEA sukcesis elekti novan ĝeneralan sekretarion. Aleks Kadar anstataŭos Martin Schäffer, kiu iĝis la ĝenerala direktoro de la asocio. Li promesas aparte okupiĝi pri la problema financa situacio de la asocio.

La lasta adreso de Nikolaj Incertov

de Libera Folio je 2018-02-062018-02-06

Nikolaj Incertov estis unu el la esperantistoj, kiuj pereis dum la Stalinaj persekutoj. Fine de januaro, kadre de projekto kiu celas eternigi la memoron de la viktimoj, sur la muro de lia lasta loĝdomo en Moskvo estis fiksita memortabulo. Nun rusiaj esperantistoj intencas serĉi la lastajn adresojn de pliaj persekutitoj, rakontas Nikolao Gudskov.

Dmitrij Bogatov liberigita el hejma aresto

de Libera Folio je 2018-01-302018-02-03

La esperantisto Dmitrij Bogatov, kiu estis arestista en Moskvo en aprilo 2017, nun estas liberigita el hejma aresto. Tamen plu daŭras la krimesplorado pro liaj suspektataj “alvokoj al terorismo”.

TEJO kun nova prezidanto kongresos en Slovakio

de Libera Folio je 2018-01-302018-02-03

Nova prezidanto de TEJO post la neatendita demisio de Enric Baltasar iĝis Hoan Tran. Sub ŝia gvido la estraro faris la finan decidon pri la ĉi-jara IJK-urbo. Post plia demisio TEJO nun serĉas novan estraranon.

Buller volas novan teamon

de Libera Folio je 2018-01-032018-01-03

La eksa ĝenerala direktoro de UEA, Osmo Buller, ne plu fidas ke la nuna estraro sukcesos solvi la krizon de la asocio. Tion li publike deklaris en la diskutejo de la komitato. Al Libera Folio li diras, ke li povus mem eniri novan estraron.

Araneo pri Rusaj esperantistoj verkos pri milito: “Granda cinikismo: komenci militon kune kun partnero (sovetio – Germanio, septembro de 1939) kaj poste festi vekon super eksa partnero!…” apr 14, 06:19
Araneo pri Rusaj esperantistoj verkos pri milito: “Sovetio komencis la II MM-on la 17an de septembro 1939 kaj nun festas datrevenon eb la Granda Patruja milito. Granda…” apr 14, 06:11
Jens Stengaard Larsen pri Mondpopolo manifestiĝas: “La homa lingvo per si mem estas perfekta. Tion pruvas la fakto ke oni ĉiam trovas sian denaskan lingvon la…” apr 11, 08:44
Jukka Pietiläinen pri La buĝeto de TEJO: ĉu vere tutmonda?: “Kaj pri unu volontulo aperas teksto ke li laboras eksteroficeje, sed pri veraj laborantoj tia informo ne aperas kvankam ili…” apr 10, 11:54
Francisco Javier Moleón pri La buĝeto de TEJO: ĉu vere tutmonda?: “Mi ekhavis la ideon ĵeti rigardon al la aktuala listo de UEA-dungitoj supozante ke mi trovos la kutimajn nomojn. Naiva…” apr 9, 10:44