TEJO – Paĝo 3 – Libera Folio

La prezidanto ne subtenis la buĝeton de TEJO

de Libera Folio je 2022-08-102022-08-10

Post diskuto, la komitato de TEJO aprobis novan buĝeton por 2022. Sed tuj post la voĉdonado la eliranta prezidanto de TEJO, Léon Kamenický, agnoskis ke li ne subtenis la buĝeton kaj proponis rekomenci la diskuton. ”Estis foje tre malagrable estri organizon kun tiom da malordo kaj neklareco en financoj”, li skribis.

TEJO esperas je mondonaco de ESF aŭ UEA

de Libera Folio je 2022-07-272022-07-28

Post la perdo de la ĉefa enspezo, subvencio de EU, TEJO devis krei novan buĝeton por 2022. La nun prezentita buĝeto por la kuranta jaro prognozas deficiton de 31 000 eŭroj kaj nun dependas de nova subvencio de ESF aŭ UEA. Tamen malcertas ĉu TEJO ricevos tiun monon.

Albert Stalin Garrido pretas estri ĉe TEJO

de Libera Folio je 2022-07-152022-07-15

La 23-an de julio la komitato de TEJO elektos novan estraron por unujara mandato. Naŭ homoj kandidatiĝas kaj ĉiuj ricevis rekomendon de la Elekta Komisiono. La kandidatoj venas el kvar kontinentoj sed nur unu estas virino. Por la prezidanteco kandidatas Albert Stalin Garrido. Libera Folio intervjuis lin.

Virinaj kandidatoj mankas ĉe TEJO

de Libera Folio je 2022-06-072022-06-07

La elekta komisiono de TEJO remalfermis kandidatiĝon por la estraro, ĉar nur unu el ok kandidatoj estis virino. La nova limdato estas la 12-a de junio, kaj la elekto okazos dum la sekva monato. Nova estraro de TEJO nuntempe estas elektata ĉiujare.

TEJO perdis subvencion de 85 000 eŭroj

de Libera Folio je 2022-05-172022-07-27

TEJO ne ricevis la buĝetitan administran subencion de 85 000 eŭroj. Tiu subvencio estas la ĉefa enspezo de TEJO, kaj ĝi devis kovri 58 procentojn el la kostoj de la asocio en la nuna jaro. La tuta buĝeto nun devas esti refarita kaj TEJO verŝajne devos maldungi oficistojn.

TEJO ricevas 25 000 eŭrojn por muzikalo

de Libera Folio je 2022-05-042022-05-04

TEJO ricevas subvencion de 25 000 eŭroj por fari muzikalon en Esperanto. Ĝi estos prezentita dum la Internacia Junulara Kongreso en Nederlando en aŭgusto. La muzikalo temos pri iu fikcia IJK, kaj TEJO serĉas kandidatojn por la roloj.

TEJO denove rifuzis geografian kvoton

de Libera Folio je 2022-04-28

Jam duan fojon la komitato de TEJO voĉdonis kontraŭ propono por geografia kvoto por ĉiuj kandidatoj al postenoj en la organizo. Laŭ kritikantoj la balotilo estis malneŭtrala kaj celis puŝi pli da komitatanoj subteni la proponon.

TEJO ree malaprobis genran kvoton

de Libera Folio je 2022-04-182022-04-19

Jam la duan fojon dum ses monatoj la komitato de TEJO voĉdonis kontraŭ propono laŭ kiu almenaŭ triono de la kandidatoj por ĉiuj postenoj estu de malsamaj genroj. La komitato krome elektis du novajn estraranojn por anstataŭigi eksigitojn.

TEJO kreskas, UEA stagnas

de Libera Folio je 2022-03-192022-03-20

Laŭ freŝa statistiko la membrokvanto de TEJO denove forte kreskis dum la pasinta jaro, kaj la junulara sekcio de UEA nun havas pli da individuaj membroj ol iam ajn dum la lastaj jardekoj. Samtempe la tuta kresketo en la membrokvanto de UEA okazis ĉe la junulara sekcio. De kio tio dependas?

TEJO gajnis unu estraranon kaj perdis du

de Libera Folio je 2022-03-042022-03-04

Dum la komitatkunsido de TEJO, Tyron Surmon estis elektita kiel estrarano por anstataŭi Matheus Pacheco, kiu rezignis antaŭ tri semajnoj. Sed la komitato voĉdonis por eksigi Uriel Gurdián pro lia malaktiveco, kaj Alexandre Raymond decidis rezigni. Pri la membroj en la kategorio ”junaj amikoj” oni plu nenion scias.

Aleksej Salomatov pri REU pretas aktivi en okupita teritorio: “Mi emocie reagis sen intenco ofendigi vin. Mi pensas ke vi vane kunigis en unu dosiero du malsimilajn kazojn, ĉar…” dec 19, 16:50
Aleksej Salomatov pri REU pretas aktivi en okupita teritorio: “Kompreneble mi subtenas la tezon de Osmo Buller, ke landaj asocioj de UEA ne rajtas aktivi en okupitaj teritorioj ekster…” dec 19, 16:49
Osmo Buller pri REU pretas aktivi en okupita teritorio: “Ĉar vi miskomprenis la aferon, mi ripetu: landa asocio de UEA ne rajtas aktivi en okupita teritorio ekster la internacie…” dec 18, 11:19
Filarete pri UEA plu vivos per eŭropaj subvencioj: “Kvankam Akso estas programita per tute kutimaj iloj, la sistemo estas tiamaniere redaktita ke preskaŭ nur la kreinto povas evoluigi…” dec 18, 10:21
Jouko Lindstedt pri REU pretas aktivi en okupita teritorio: “Estas danĝere rigardi la mondon tendarisme, ĉar en ĉiuj tendaroj oni kapablas fari fiagojn. La faroj de Hitler ne pravigis…” dec 18, 10:18