TEJO – Paĝo 9 – Libera Folio

La Esperanta Civito invitas IJK-n 2021 al si

de Libera Folio je 2020-02-022020-02-02

Aperis kvin kandidatoj, pretaj aranĝi la Internacian Junularan Kongreson en 2021. Unu el ili estas la Esperanta Civito, kiu proponas ke la kongreso okazu en Svisio. Ĝis la fino de februaro ĉiuj kandidatoj devos prezenti detalajn proponojn.

Mankas kandidato por organizi IJK-n en 2021

de Libera Folio je 2020-01-152020-01-15

La ĉi-jara Internacia Junulara Kongreso okazos en Nederlando, sed kie okazos la IJK en 2021 tute ne klaras, post kiam Britio retiris sian kandidatiĝon. TEJO nun esperas trovi novan kandidaton ĝis la fino de januaro.

TEJO decidis ne publikigi la membronombron

de Libera Folio je 2020-01-032020-01-03

Du estraranoj estis aŭtomate eksigitaj pro pasiveco, sed unu estis tuj reelektita. Estis elektita ankaŭ nova ĝenerala sekretario. La komitato malpermesis al la estraro formalan kunlaboron kun la Civito sen konsultiĝo kun la komitato.

Gvidantoj de UEA kaj TEJO superŝutitaj per demandoj dum la Malferma Tago

de Libera Folio je 2019-12-012019-12-01

Grava programero de la ĵusa Malferma Tago en la Centra Oficejo de UEA estis ”dialoga momento” kun gvidantoj de UEA kaj TEJO. La momento pro multaj demandoj daŭris pli longe ol planite, sed la respondeculoj de UEA rifuzis klare diri, kiom da dungitoj efektive ankoraŭ laboras en la Centra Oficejo.

TEJO perdas sian ĝeneralan sekretarion

de Libera Folio je 2019-11-212019-11-21

La ĝenerala sekretario de TEJO, Catherine Neilson el Usono, anoncis ke ŝi forlasas sian postenon. Tion ŝi skribis la 21-an de novembro en la retpoŝta grupo “TEJO-komitato”.

Ĉu TEJO havas 25.000 membrojn?

de Libera Folio je 2019-09-022019-09-03

Membroj de TEJO 1984-2018

Al EU-instancoj TEJO raportis, ke ĝi havas 25.000 membrojn. Efektive la asocio en 2018 havis nur 549 individuajn membrojn kaj 1.123 asociajn membrojn. La cifero raportita al EU do estas 15-oble pli alta ol la efektiva kvanto de pagintaj membroj, sed laŭ la prezidanto de TEJO la pli alta cifero donas pli ĝustan impreson pri la agado de TEJO.

Kvin virinoj en la nova estraro de TEJO

de Libera Folio je 2019-07-312019-07-31

Joop Kiefte estas la nova prezidanto de TEJO. Li estis la sola kandidato kiu sin proponis por la tasko. La nova estraro estis elektita por unujara mandatperiodo dum la IJK en Liptovský Hrádok en Slovakio. Kvin el la naŭ estraranoj estas virinoj, dum UEA havas neniun virinon inter siaj ok estraranoj.

Joop Kiefte volas iĝi prezidanto de TEJO

de Libera Folio je 2019-07-17

Ĉar ĝis la fino de junio aperis neniuj kandidatoj por la prezidanteco de TEJO, la limdato estis longigita je dek tagoj. Tiam Joop Kiefte decidis kandidatiĝi por savi la asocion de detruiĝo. Li konsentis respondi al kelkaj demandoj de Libera Folio.

Neniu volas iĝi prezidanto de TEJO

de Libera Folio je 2019-07-042019-07-06

Mankas kandidatoj por la plej gravaj postenoj en la estraro de TEJO. Por tamen trovi homojn kiuj pretos transpreni la taskojn, la asocio faris novan alvokon. Oni esperas, ke ene de semajno sin anoncos la estontaj prezidanto kaj ĝenerala sekretario de la asocio, kaj estraranoj pri aktivula trejnado, kongresoj kaj pri homaj rimedoj.

Duono de la TEJO-estraro ne plu aktivas

de Libera Folio je 2019-05-112019-05-11

Dum monatoj, la komitatanoj de TEJO maltrankviliĝis pro manko de aktiveco de la estraro. Oni eltrovis ke duono de la estraro ne estis aktiva kaj ne plenumis siajn rolojn. Dum la pasintaj tri semajnoj, du estraranoj demisiis ĉar ili ne havis sufiĉan tempon por dediĉi al TEJO. Sed eĉ la prezidanto mem estis neaktiva dum preskaŭ ŝia tuta mandato kun apenaŭ iu kontakto kun la komitato.

Katono la maljuna pri REU pretas aktivi en okupita teritorio: “Mi neniel ŝercas, sed celas ĝuste tion, kion mi skribis – eĉ se rusofobiaj botlekuloj ne povas imagi tion pro…” dec 22, 14:02
Matheus pri UEA plu vivos per eŭropaj subvencioj: “Bone, ke la subvencioj fluas abunde. Mi ĝojas, ke la financoj de UEA nun estas tre stabilaj. Mi cetere opinias,…” dec 22, 12:35
Matheus pri REU pretas aktivi en okupita teritorio: “Katono: Bona ŝerco! Tamen vi forgesis. Katono ĉiam finis la komentojn jene (latina): “Delenda est Ucraina”” dec 22, 12:18
Katono la maljuna pri REU pretas aktivi en okupita teritorio: “La Aŭtonoma Respubliko Krimeo kaj la Sebastopola municipo, same kiel la Ĥersona, Zaporoĵa, Donecka kaj Luganska oblastoj estas kaj restas…” dec 22, 09:50
Aleksej Salomatov pri REU pretas aktivi en okupita teritorio: “Mi emocie reagis sen intenco ofendigi vin. Mi pensas ke vi vane kunigis en unu dosiero du malsimilajn kazojn, ĉar…” dec 19, 16:50