UEA – Paĝo 2 – Libera Folio

Reviziantoj de UEA atendas respondojn

de Libera Folio je 2024-07-162024-07-18

Kio okazos pri la domo en Roterdamo? Kian planon oni havas pri la libroservo? Ĉu estas decido pri uzo de la nova administra sistemo Akso? La komitataj reviziantoj havis multajn demandojn, al kiuj la estraro de UEA ne povis tuj respondi. La estraro kaj la ĝenerala direktoro nun havas kvar monatojn por kunmeti respondojn.

EU-subvencio savis la financojn de UEA

de Libera Folio je 2024-07-092024-07-10

Granda administra subvencio de EU savis la financojn de UEA en la pasinta jaro. Anstataŭ planita deficito de pli ol 50 000 eŭroj la asocio en 2023 atingis plusan rezulton kaj povis krome ŝpari monon por venontaj jaroj. La ekonomia rezulto de la kongreso en Torino aliflanke estis malbona, supozeble pro la pagoj al la entrepreno kiu nun prizorgas la kongresan fakon de UEA.

UEA rekomendas: ”Lernantoj bone lernu”

de Libera Folio je 2024-06-232024-06-24

Dek monatojn post la Universala Kongreso en Torino, en la retejo de UEA aperis rekomendoj de la komitataj forumoj. Tie eblas ekscii, ke al UEA mankas konstanta informpolitiko, sed nun salajrata komunikisto antaŭenigos la agadon. Lernantoj bone lernu, ĉu kun instruisto aŭ ne, rekomendas la forumo pri instruado.

UEA strategie planas retejon kaj almanakon

de Libera Folio je 2024-05-282024-05-28

La multjaraj babiloj pri nova strategia laborplano por UEA naskis unupaĝan resumon. Laŭ ĝi UEA planas interalie modernigi sian retejon kaj aperigi trijaran presitan almanakon kun la informoj, kiuj antaŭe aperis en la Jarlibro. Pretan planon oni promesas por la UK en Aruŝo, realigo okazu poste.

UEA petas pli da pacienco

de Libera Folio je 2024-05-212024-05-21

Libera Folio dum longa tempo petis la estraron de UEA respondi al demandoj interalie pri la reteja renovigo kaj la sorto de la libroservo. La prezidanto de UEA nun petas pli da pacienco.

Planado pri laborplano por UEA daŭras de 2017

de Libera Folio je 2024-05-072024-05-07

Kion volas atingi Universala Esperanto-Asocio dum la proksimaj jaroj? Tion oni atendus legi en la strategia laborplano de la asocio – se ĝi ekzistus. En 2017 ĉesis validi la antaŭa plano, el kiu preskaŭ nenio estis realigita. De tiam daŭras babiloj pri nova plano.

UEA dancos por paco

de Libera Folio je 2024-04-262024-04-26

Kolekto de duminutaj filmetoj de dancoj por paco estos la celo de projekto, en kiu UEA kunlaboras kadre de Unesko. Tiel UEA sukcesos montri, ke Esperanto estas tutmonda lingvo, diras François Lo Jacomo, estrarano de UEA.

UEA aprobis deficitan buĝeton sen protokolo

de Libera Folio je 2023-12-192023-12-20

La komitato de UEA en reta kunsido dum dimanĉo la 17-a de decembro aprobis buĝeton, kiu antaŭvidas deficiton de 45 000 eŭroj. Ĝenerala direktoro Martin Schäffer tamen antaŭvidas, ke ne estos deficito. Protokolo de la antaŭa kunsido daŭre mankas, do ne klaras kio estis decidita tie.

UEA antaŭvidas plian ŝrumpon de kotizoj

de Libera Folio je 2023-12-122023-12-20

La membraro de UEA kresketas, sed la enspezoj de kotizoj ŝrumpas. La malkresko plej evidentas en la kategorio membroj-abonantoj. Laŭ la buĝeta propono por 2024 la domo en Roterdamo ne estos vendita venontjare kaj nenio ŝanĝiĝos pri la libroservo. La salajraj kostoj altiĝos kaj UEA havos deficiton.

Daŭre mankas solvo por la libroservo de UEA

de Libera Folio je 2023-12-052023-12-05

Granda majoritato el la membroj de UEA opinias la libroservon tre grava servo. Tamen daŭre malklaras, kio okazos pri la libroservo de UEA, kiam la domo de la Centra Oficejo estos vendita. Aliflanke la vendo de la domo prokrastiĝas. Pri tio rakontis estraranoj dum la Virtuala Kongreso.

AlKo pri REU pretas aktivi en okupita teritorio: ““REU pretas aktivi” — bela ŝerco pri ĉi tiu eta koterio.” dec 23, 15:22
Osmo Buller pri REU pretas aktivi en okupita teritorio: “”En antaŭvidebla estonteco, pliaj regionoj de la pereanta Ukrainujo petos aliĝon al la Rusuja Federacio. Nur atendu kaj vidu!” Mi…” dec 23, 11:59
Francisco Javier Moleón pri REU pretas aktivi en okupita teritorio: ““Foje mi miras, kial kelkaj homoj entute lernis Esperanton.” Eble De Beaufront pravis kaj “Esperanto estas nura lingvo kaj nenio…” dec 23, 10:49
Hans pri REU pretas aktivi en okupita teritorio: “”mi opinias, ke Ukrainujo estas liberigenda el la malpuraj manoj de la sangosuĉantaj tutmondistoj” Ke por atingi tiun noblan celon…” dec 23, 10:11
Tjeri pri REU pretas aktivi en okupita teritorio: “Mi miras, kial la potenculoj en Rusio tiel malamas siajn homojn, ke ili peladas ilin al la morto, nun pelontaj…” dec 23, 10:00