Libera Folio – Paĝo 60 – sendependa movada bulteno

La Civito reprenas Heroldon

de Libera Folio je 2017-12-132017-12-13 en kulturo, movado

La Civito anoncis pri repreno de Heroldo de Esperanto, ĉar Fabrício Valle ne pagis la tutan interkonsentitan sumon por la gazeto. Li siavice minacas procesi en svisa kortumo.

Ankaŭ lingvistoj estas homoj

de Libera Folio je 2017-12-122017-12-12

Indas dediĉi energion al informado direktita al lingvistoj, ĉar ili estas la kutimaj fakuloj, al kiuj turniĝas ĵurnalistoj, kiam ili volas verki pri Esperanto. Krome ilin demandas politikistoj, kiam ĉi tiujn oni alparolas pri Esperanto. Tion opinias Renato Corsetti, kiu jam en la 1970-aj jaroj ekokupiĝis pri tia informado en Italio.

La komitato de UEA akceptis
buĝeton kun enorma deficito

de Libera Folio je 2017-12-022017-12-03

La supera decida organo de UEA, la komitato, per reta voĉdono akceptis buĝeton por la jaro 2018 kun planata deficito de 140.000 eŭroj. Tiel la kostoj superas la enspezojn je 30 procentoj. La mankantan monon oni prenos el la kapitalo de la asocio.

Mark Fettes: “Ni ĉiuj konscias
pri la granda laboro antaŭ ni”

de Libera Folio je 2017-11-212017-12-04

Post la decido dungi nunan estraranon kiel ĝeneralan direktoron de la tuta asocio, UEA nun serĉas novajn estraranojn. Laŭ prezidanto Mark Fettes la Estraro krom novan ĝeneralan sekretarion bezonas respondeculon pri kulturo kaj kongresoj.

Martin Schäffer volas stabiligi la asocion

de Libera Folio je 2017-11-142017-11-14

Stabiligo de la asocio kaj malpliigo de la deficito estas la plej urĝaj taskoj, kiujn volas entrepreni la nova ĝenerala direktoro de UEA. Tion rakonas Martin Schäffer en intervjuo al Libera Folio.

de Libera Folio je 2017-11-072017-11-07 en kulturo

La revolucio donis nefinan venkon al Esperanto

Antaŭ cent jaroj, la 7-an de novembro 1917 laŭ la moderna kalendaro, en Rusio okazis revolucio kiu ŝanĝis la mondon. En Rusio la revolucio renversis ĉion kaj inter multaj aliaj evoluoj dum kelkaj jaroj enkondukis oran epokon de Esperanto.

de Libera Folio je 2017-11-012017-11-02 en movado, UEA

UEA ŝanĝas ĝeneralan direktoron

La Centra Oficejo de UEA ekde la jarŝanĝo iĝos malcentra. La nova ĝenerala direktoro de la asocio, Martin Schäffer, ne laboros en la oficejo. La ĉefa oficisto de la asocio grandparte loĝos en alia kontinento.

de Libera Folio je 2017-10-312017-10-31 en movado, UEA

La estraro de UEA esploras la krizon en la CO

Dum pluraj monatoj venadas signaloj pri grave malboniĝinta etoso en la Centra Oficejo de UEA. La estraro de la asocio laboras por solvi la problemon.

de Libera Folio je 2017-10-272017-10-28 en interreto

UEA investis 10.000 eŭrojn en Amikumu

La poŝtelefona programo Amikumu iĝis multlingva, ricevis premion kaj trovis novajn investantojn. Unu el ili estas UEA, kiu aĉetis akciojn de Amikumu por 10.000 eŭroj.

de Libera Folio je 2017-10-182017-10-30 en movado, TEJO, UEA

La Centra Oficejo ekparolis angle

Dum jardekoj la Centra Oficejo de UEA en Roterdamo estis la plej esperantlingva loko en la tuta mondo, sed jam ne. Volontuloj ne plu bezonas scipovi Esperanton, kaj por komuniki kun ili la oficistoj devas paroli angle.

AlKo pri REU pretas aktivi en okupita teritorio: ““REU pretas aktivi” — bela ŝerco pri ĉi tiu eta koterio.” dec 23, 15:22
Osmo Buller pri REU pretas aktivi en okupita teritorio: “”En antaŭvidebla estonteco, pliaj regionoj de la pereanta Ukrainujo petos aliĝon al la Rusuja Federacio. Nur atendu kaj vidu!” Mi…” dec 23, 11:59
Francisco Javier Moleón pri REU pretas aktivi en okupita teritorio: ““Foje mi miras, kial kelkaj homoj entute lernis Esperanton.” Eble De Beaufront pravis kaj “Esperanto estas nura lingvo kaj nenio…” dec 23, 10:49
Hans pri REU pretas aktivi en okupita teritorio: “”mi opinias, ke Ukrainujo estas liberigenda el la malpuraj manoj de la sangosuĉantaj tutmondistoj” Ke por atingi tiun noblan celon…” dec 23, 10:11
Tjeri pri REU pretas aktivi en okupita teritorio: “Mi miras, kial la potenculoj en Rusio tiel malamas siajn homojn, ke ili peladas ilin al la morto, nun pelontaj…” dec 23, 10:00