Vi estas ĉi tie: Hejmo / 2005 / Agado / Subtenu Liberan Folion!

Subtenu Liberan Folion!

de Redakcio — Laste modifita: 2013-01-01 11:44
Libera Folio estas sendependa movada bulteno, kiu aperas nur en la reto. Ĝin redaktas kaj administras volontuloj, sed la serviloj kaj la retadreso kostas monon. Se vi opinias nian laboron valora, eble vi volas helpi pagi tiujn kostojn?

MonbiletoVi povas subteni la funkciadon de Libera Folio, ĝirante monon al nia uea-konto lifo-f. Por ĝiri monon, skribu al la librotena fako ĉe UEA kaj indiku, kiom da mono vi volas kontribui. Ankaŭ tute malgrandaj kontribuoj estas tre bonvenaj. Ni regule publikigas la nomojn de la donacintoj en ĉi tiu paĝo. La ĝisnunaj kontribuoj grave helpis pagi la kostojn de la serviloj, kiujn Libera Folio bezonas por funkcii, kaj ankaŭ financis iujn programadajn laborojn, kiam ni ne sukcesis solvi ĉion per volontulaj fortoj.

Se vi ne havas monon ĉe UEA, vi povas transpagi uzante la rimedojn priskribitajn en la retpaĝo de UEA. Eblas facile pagi ekzemple per kreditkarto. Ne forgesu indiki, ke vi volas kontribui al Libera Folio! Se vi pagas per kreditkarto, indiku vian intencon subteni Liberan Folion en la kvadrateto "notoj"

 

La lastaj dek kontribuoj:

  • 120827 J. Sunekær, 10,00 eŭroj
  • 120815 P. Dubourg 15,00 eŭroj
  • 120604 Anonima (Hispanio) 30,00 eŭroj
  • 120602 O. Raola 20,00 eŭroj
  • 120602 S. Johansson 50,00 eŭroj
  • 120602 Nomus Nimus 19,05 eŭroj
  • 120531 Jakvo Schram 50,00 eŭroj
  • 120322 D. Draper 30,00 eŭroj
  • 120228 Jader Rodrigues da Silva 47,62 eŭroj
  • 120209 Mila van der Horst 50,00 eŭroj


Dankon al la donacintoj!

Lu
Lu diras:
2009-07-05 20:52
Eble konsideru aldone meti varbadon sur la paĝojn de Libera Folio - ekzemple pri libroj, (paperaj) gazetoj, renkontiĝoj ktp. Laŭ mi tio povas unuflanke enspezigi iomete da mono, aliflanke ĝi estas ankaŭ servo al la legantoj; se varbado ne estas truda, sed afable informa, ĝi estas laŭ mi agrabla por la vizitantoj. Iusence ĝi estas paŝo al "normaliĝo de Esperantujo", similiĝo al naciaj merkatoj. (Nuntempe la stato de varbado en Esperantujo estas iom nekutima - en Monato oni privarbas la eldonaĵojn de FEL, en la revuo Esperanto ĉefe tiujn de UEA kaj en La Ondo de Esperanto tiujn de Sezonoj, do ĉiam preskaŭ nur la proprajn. Libera Folio estas neligita al eldonejo aŭ organizanto de renkontiĝoj kaj povas tial suriri novan terenon.

Konsideru ŝanĝi la vicon de la donacintoj kun la plej aktuala supre.
gunnargallmo
gunnargallmo diras:
2009-07-06 16:44
Varbado? Eble vi pensas pri reklamo (germane "Werbung").
redakcio
redakcio diras:
2012-06-02 18:25
Ni nun ŝanĝis la ordon laŭ la propono de Lu, tiel ke la plej freŝa kontribuo aperas plej supre.

Rilate reklamon en Libera Folio - ni konsideros tion, se iu proponos reklamon. Ĝis nun tio ne okazis.