Esperanto-Ponto en Bydgoszcz
de Redakcio
—
Laste modifita:
2012-11-07 04:58
Okaze de 125-a datreveno de Esperanto, la urba konsilio de Bydgoszcz en centra Pollando decidis honori la jubileon, donante al ponto trans la rivero Brda la nomon Esperanto.
La malkovro de du tabuloj kun la teksto "Most Esperanto" ("Ponto Esperanto") okazis la 27-an de oktobro.
La ceremonion gvidis en Esperanto kaj en la pola lingvo Lech Zagłoba, prezidanto de la urba komisiono pri kulturo kaj edukado, mem esperantisto de pli ol 40 jaroj.
La ceremonion partoprenis kelkdek personoj el Pollando kaj gastoj el Germanio, Kazaĥio, Rusio kaj Senegalo, kaj raportis pri ĝi ankaŭ la urba televido.
Laŭ Ret-Info
