Rutino: la plej forta malamiko de Esperanto
de Aleksander Korĵenkov
—
Laste modifita:
2012-12-13 22:15
«Blovas pesimisma vento tra Esperantujo. Finiĝis la tempoj de “Esperanto triumfonta”, forviŝiĝis la rezolucio de Montevideo, kaj Pola Radio fermis siajn pordojn al nia lingvo. Nigraj voĉoj ne mankis en “La Ondo”. Ververe kun ĉirkaŭ 800 aliĝintoj la Hanoja kongreso sendas nin en la pasintecon, al nivelo kiu apenaŭ superas la partoprenantaron de la Unua, la heroa kongreso en Boulogne-sur-Mer! Kaj ni ne parolu pri la UEA-membrofalo, temo kiu stimulis pli da inko kaj larmoj ol la Niagara akvofalo», — skribis Pascal Dubourg Glatigny en la ĉefartikolo de la januara kajero de “La Ondo de Esperanto”. Lia artikolo “Rutino: la plej forta malamiko de Esperanto” estas legebla (kaj diskutebla) ankaŭ en la novaĵretejo La Balta Ondo
