Lanĉita postmorta KD de brazila kantistino
de Fabiano Henrique
—
Laste modifita:
2011-07-23 22:43
Kovrilo de la postmorta KD de Vera Jordan
Estis lanĉita, dum la ĵus finiĝinta Brazila Kongreso de Esperanto, la nova KD de la kantistino Vera Jordan. La postmorta disko estas titolita Esperanto, mia pasio. La gravurado-sesioj finiĝis tuj antaŭ ŝia forpaso, kiu okazis en decembro 2006. La albumo enhavas 11 trakojn, en pluraj ritmoj, kiel sambo, bolero, populara kaj elektronika muzikoj. La ĉefa trako estas Malharmonio, verkita de Vera Jordan kaj Aloísio Sartorato.
