30 voĉdonintoj elektis administrantojn por diskutejo de UEA
de Redakcio
—
Laste modifita:
2005-09-03 20:25
La retpoŝta listo "uea-membroj", kiun rajtas partopreni nur membroj de Universala Esperanto-Asocio, ricevis novajn administrantojn. La listo havas 294 membrojn, sed en la reta voĉdonado estis donitaj nur 31 voĉoj, el kiuj unu estis nevalida. La voĉdon-aktiveco estis do 10,5%.
El la ĝisnunaj administrantoj de la listo nur unu, Jukka Pietiläinen,
kandidatis por nova dujara periodo. Li sola ricevis 16 voĉojn, do pli ol la
duonon el ĉiuj donitaj voĉoj. El la aliaj elektitoj, 6 voĉojn ricevis Aleks
Kadar, eksa ĝenerala sekretario de TEJO, kaj 4 voĉojn ricevis Roy McCoy,
oficisto de la Centra Oficejo.
La granda subteno ricevita de Jukka Pietiläinen supozigas, ke la listanoj ne deziras grandajn ŝanĝojn en la funkciado de la listo. Entute estis kvin kandidatoj por la tri postenoj. Ne kandidatis la ĝisnunaj administrantoj Andrej Grigorjevskij kaj Kalle Kniivilä.
Laŭ Andrej Grigorjevskij, fine de aŭgusto el la 5.767 individuaj membroj de UEA preskaŭ duono, 2.798, havas retpoŝtan adreson kiu estas registrita en la komputila sistemo de UEA. Nur ĉiu deka UEA-membro kun retadreso do membras en la diskutlisto celita por la membroj de la asocio, kaj nur iom pli ol unu procento el tiuj UEA-membroj, kiuj povus aliĝi kaj voĉdoni, efektive influis la elekton de administrantoj.
Laŭ la regularo de la listo, la diskutoj en retlisto uea-membroj devus temi pri la agado kaj funkciado de UEA. Tamen malmultas en la listo profundaj diskutoj pri tiuj temoj, sed tio eble estas atendita, ĉar ankaŭ en la diskut-listo de la komitato de UEA tiaspecaj diskutoj malofte aperas.
En la pasinta elekto de administrantoj por la retlisto uea-membroj antaŭ du jaro voĉdonis 80 personoj, do multe pli ol ĉi-foje. (Tiam estis 3 nevalidaj voĉoj.) Tamen antaŭ du jaroj la situacio en la listo estis multe pli konflikta ol nun, ĉar tiam la sola administranto, Renato Corsetti, malpermesis al István Ertl skribi en la listo. Laŭ Corsetti, Ertl kulpis pri insulto, kiam li plendis pri nedemokratieco en la gvidorganoj de UEA.
Por komparo oni povas mencii, ke en la paperpoŝta voĉdonado pri komitatanoj B de UEA pasintjare partoprenis 1.491 membroj. La paperan balotilon oni tiam sendis al 5.140 membroj, do la aktiveco estis 29,0% - preskaŭ trioble pli alta ol en la ĵusa reta voĉdonado.
Evidente la elekto de komitatanoj, kiuj efektive iom povas influi la agadon de UEA, vekas multe pli grandan interesiĝon, ol elekto de list-administrantoj. Tamen la komitatanoj B, kiujn rekte elektas la individuaj membroj, estas nur malgranda parto de la komitato de UEA. La plej multaj komitatanoj de UEA estas elektitaj de la aliĝintaj landaj asocioj.
Ligo: la diskutejo UEA-membroj
La granda subteno ricevita de Jukka Pietiläinen supozigas, ke la listanoj ne deziras grandajn ŝanĝojn en la funkciado de la listo. Entute estis kvin kandidatoj por la tri postenoj. Ne kandidatis la ĝisnunaj administrantoj Andrej Grigorjevskij kaj Kalle Kniivilä.
Laŭ Andrej Grigorjevskij, fine de aŭgusto el la 5.767 individuaj membroj de UEA preskaŭ duono, 2.798, havas retpoŝtan adreson kiu estas registrita en la komputila sistemo de UEA. Nur ĉiu deka UEA-membro kun retadreso do membras en la diskutlisto celita por la membroj de la asocio, kaj nur iom pli ol unu procento el tiuj UEA-membroj, kiuj povus aliĝi kaj voĉdoni, efektive influis la elekton de administrantoj.
Laŭ la regularo de la listo, la diskutoj en retlisto uea-membroj devus temi pri la agado kaj funkciado de UEA. Tamen malmultas en la listo profundaj diskutoj pri tiuj temoj, sed tio eble estas atendita, ĉar ankaŭ en la diskut-listo de la komitato de UEA tiaspecaj diskutoj malofte aperas.
En la pasinta elekto de administrantoj por la retlisto uea-membroj antaŭ du jaro voĉdonis 80 personoj, do multe pli ol ĉi-foje. (Tiam estis 3 nevalidaj voĉoj.) Tamen antaŭ du jaroj la situacio en la listo estis multe pli konflikta ol nun, ĉar tiam la sola administranto, Renato Corsetti, malpermesis al István Ertl skribi en la listo. Laŭ Corsetti, Ertl kulpis pri insulto, kiam li plendis pri nedemokratieco en la gvidorganoj de UEA.
Por komparo oni povas mencii, ke en la paperpoŝta voĉdonado pri komitatanoj B de UEA pasintjare partoprenis 1.491 membroj. La paperan balotilon oni tiam sendis al 5.140 membroj, do la aktiveco estis 29,0% - preskaŭ trioble pli alta ol en la ĵusa reta voĉdonado.
Evidente la elekto de komitatanoj, kiuj efektive iom povas influi la agadon de UEA, vekas multe pli grandan interesiĝon, ol elekto de list-administrantoj. Tamen la komitatanoj B, kiujn rekte elektas la individuaj membroj, estas nur malgranda parto de la komitato de UEA. La plej multaj komitatanoj de UEA estas elektitaj de la aliĝintaj landaj asocioj.
Ligo: la diskutejo UEA-membroj
