La papo pasksalutis esperante
Ĉi-jare estis pli da esperantistoj ol kutime en Vatikano, ĉar ĉeestis ankaŭ kelkaj eksterlandanoj, kiuj planis partopreni la Internacian Junularan Festivalon de Itala Esperanto-Junularo. La festivalo estis lastmomente nuligita pro detrua tertremo en la regiono, sed ne ĉiuj aliĝintoj povis aŭ volis nuligi sian vojaĝon.
La festivalejo estas uzata por loĝigi senhejmulojn, kaj la organiza teamo anstataŭigis la festivalon per volontula agado de kolektado de rimedoj tra la urbaj vendejoj. Jam dum la 7-a kaj la 8-a de aprilo Itala Esperanto-Junularo kolektis ĉirkaŭ 500 kg da pastaĵo, 80 litrojn da lakto, 100 kilogramojn da tomatsaŭco, 200 kilogramojn da ladskatolaj manĝaĵoj, kaj rimedojn por infanoj.
Itala Esperantista Junularo kaj Itala Esperanto-Federacio aldone starigis monkolekton kiu celas ekonomie helpi la rekonstruadon de la urboj trafitaj de la katastrofo. Pli da informoj pri la monkolekto en la retejo de IEJ.
Foto el la retejo de IKUE.
