Okazigis festkunvenon la Ĉina Esperanto-Ligo memore sian 60-jaran jubileon -- Kunveno

La 20-an de majo la Ĉina Esperanto-Ligo (ĈEL) okazigis festkunvenon memore sian 60-jaran jubileon. Pli ol 260 esperantistoj partoprenis la kunvenon. Yutao, vicprezidanto kaj ĝenerala sekretario de ĈEL prezidis la kunvenon, faris paroladojn Chen Haosu, prezidanto de ĈEL kaj Guo Xiaoyong, konstanta vicprezidanto de la Ĉina Fremdlingva E Distribua Administracio (ĈFDA) kaj la unua konstanta vicprezidanto de ĈEL. Ĉeestis la kunvenon Zhou Mingwei, prezidanto de la Ĉina Fremdlingva Eldon-Distribua Administracio, la supra institucio de ĈEL kaj El Popola Ĉinio, Zhao Changqian, eks- vicprezidanto de ĈEL, Shi Qiuqiu, konstanta vicprezidanto de la Pekina Federacio de Soci-sciencaj Rondoj kaj vicprezidanto de ĈEL, Chen Shi, aganta direktoro de El Popola Ĉinio kaj vicprezidanto de ĈEL, Sun Jingli, vicdirektoro de la Fako por Okcidenta Eŭropo kaj Latinameriko de Ĉina Radio Internacia kaj Zhao Jianping, vicprezidanto de ĈEL. Por gratuli la jubileon venis ankaŭ s-ro Renato Corsetti, eksprezidanto de Universala Esperanto-Asocio, s-ro Samdan Tsedendamba, direktoro de prezidanta oficejo de Mongolio, honora prezidanto de la Mongola Esperanto-Ligo, s-ro Ragnar Baldursson, Minitro-konsilanto de la Islanda Ambasado en Ĉinio, s-ro Gabor Nagy, unua konsilanto pri kulturo kaj edukado de Hungara Ambasado en Ĉinio, s-ro Maciej Gaca, kultura konsilanto de Pollanda Ambasado en Ĉinio, s-ro Agou Takashi, vicprezidanto de la Japana Esperanto-Instituto, s-ro Ho Song, vicprezidanto de la Korea Esperanto-Asocio. Antaŭ la ceremonio respondeculoj de koncernaj departementoj de Ĉinio intervidiĝis kun la fremdlandaj gastoj.