movado
TEJO kolektas donacojn por afrika IJK
TEJO kolektas monon por realigi la planatan venontjaran afrikan IJK-n. La unuavica celo estas havigi la monon por la deviga propra kontribuo de TEJO por projekto financata de EU. Ni petis al Łukasz Żebrowski, la kunordiganton de la monkolekta kampanjo, rakonti pri la afero.
Novaj malklaraĵoj ĉirkaŭ la afrika IJK
TEJO ricevis eŭropan subvencion de 130.000 eŭroj por projekto, kadre de kiu okazu IJK en Afriko. Kiel oficiala partnera organizaĵo en la projekto estis trompe anoncita Unuiĝo Togolanda por Esperanto. La gvidorganoj de UTE ne estis informitaj pri la "partnereco" kaj nun planas oficiale protesti ĉe EU-organoj.
UEA ekmalfermas voĉdonilojn
La ĝenerala voĉdonado pri ŝanĝoj en la statuto de UEA daŭros ankoraŭ monaton, sed en la CO oni jam komencis malfermi voĉdonilojn. Laŭ Mark Fettes nova ĝenerala voĉdonado atendeblas baldaŭ.
Novaj detaloj pri persekuto de esperantistoj trovitaj
En la ĵus aperinta nova eldono de “La danĝera lingvo” Ulrich Lins prilumas novajn detalojn pri la persekuto de Esperanto en diktaturoj. La registaroj de nedemokratiaj landoj ofte ligis kun Esperanto pli da potenco, ol ĝi efektive havis, li diras en intervjuo de Libera Folio. La libro ĉi-jare fine aperos ankaŭ en la angla.
Ne klaras kiu invitis IJK-n al Afriko
Laŭ la TEJO-estrarano pri kongresoj, la venontjara IJK estis invitita al Togolando interalie de la landa sekcio de TEJO. Tamen laŭ Gbeglo Koffi, unu el la gvidantoj de Unuiĝo Togolanda por Esperanto, tia invito ne ekzistas.
Reinhard Selten: Ne nur por vidi la venkon
La esperantista nobelpremiito Reinhard Selten forpasis la 23-an de aŭgusto 2016. Por honori lin ni republikigas intervjuon de 1994, en kiu li rakontas interalie pri apliko de ludoteorio en lingvolernado, pri decidoj bazitaj sur ”limigita racieco” kaj pri sia propra esperantistiĝo en 1947.
Paralela universo okazis en 25 lokoj samtempe
La 20-an de aŭgusto pli ol 210 homoj en kvar landoj de Nord-Ameriko partoprenis 25 malsamajn Esperanto-renkontiĝojn samtempe, kadre de nova eventaro sub la titolo Paralela Universo. La aranĝoj variis laŭ grando kaj komplekseco, de 3 ĝis 28 homoj.
Forpasis Detlev Blanke
La konata germana interlingvisto Detlev Blanke forpasis la 20-an de aŭgusto en la aĝo de 75 jaroj. "Kvankam Blanke ĉiam, ankaŭ esperantlingve, defendis la politikon de GDR, li bone konsciis, ke sian disvolvon la movado ne ŝuldis al desupra favoro, sed al desuba premo", skribas Ulrich Lins.
TEJO devas repagi milojn da eŭroj al EU
Eŭropa Unio postulas, ke TEJO repagu grandan parton de la pasintjara administra subvencio de preskaŭ 20.000 eŭroj, ĉar la kondiĉoj de la subvencio ne estis plenumitaj. Por povi laŭregule elspezi la ĉi-jaran subvencion TEJO nun urĝe provas dungi plurajn portempajn oficistojn.
La paralela universo troviĝas en Nord-Ameriko
Esperantistoj en Nord-Ameriko malofte havas ŝancon partopreni Esperanto-aranĝojn, ĉar ili kutime okazas sur aliaj kontinentoj, aŭ en distanca parto de la propra kontinento. La apero de multaj novuloj pro la reta kurso de Duolingo akrigis la bezonon de lokaj renkontiĝoj, kaj la 20-an de aŭgusto sub la ŝildo ”Paralela Universo” okazos samtempe 20 Esperanto-aranĝoj.
Forpasis Paul Gubbins, la ĉefredaktoro de Monato
La 6-an de aŭgusto 2016, neatendite dum li dormis, forpasis Paul Gubbins en la aĝo de 66 jaroj. Li estis talentoriĉa verkisto, ĉefredaktoro de Monato, membro de la Akademio de Esperanto, kaj prezidinto de la Esperanto-Asocio de Britio.
EU-komisionano faris paroladon en Esperanto
Lige kun la Universala Kongreso en Nitro en loka universitato okazis altnivela kongreso pri perspektivoj de lingva komunikado en Eŭropa Unio. La konferencon honoris per sia ĉeesto Vytenis Andriukaitis, litova ano de la eŭropa komisiono, kiu faris sian paroladon en Esperanto.
Monkolekto anstataŭis kongresan rezolucion
La statutaj ŝanĝoj, kiuj laŭplane igos TEJO-n sendependa, estas bezonataj por renovigo de UEA, diris Mark Fettes en sia ferma parolado en la UK en Nitro. La sendependiĝanta TEJO aranĝis en la solena fermo monkolektadon favore al sia planata afrika IJK. Post Seulo venontjare, la kongreso en 2018 okazos en Lisbono.
UEA sen buĝeto sed kun eble sendependa TEJO
En la vendreda kunsido la komitato de UEA aprobis la sendependigon de la junulara sekcio. Pri aliaj ŝanĝoj proponitaj en la reformo de la statuto la komitato decidos nur venontjare. Statutŝanĝoj ekvalidos nur post ĝenerala voĉdono de la membraro. Pro la grandega prokrasto mankis tempo por trakti la buĝeton por 2017.
La redaktoro de ”Esperanto” kontentas pri sia laboro
La julia numero de la revuo eble jam antaŭ la fino de julio estos sendita al la presejo, esperas la redaktoro. Centra Oficejo respondis ĉefe al demandoj pri la kongreso, kiel kutime.
Kaosa komitato ne fintraktis la statuton
La komitato de UEA en sia lunda kunsido devis pritrakti la proponon de nova statuto por la asocio. La tempo tamen ne sufiĉis kaj parto de la komitatanoj forlasis la longigitan kunsidon, tiel ke validaj voĉdonoj ne plu eblis. La komitato revenos al la temo vendrede.
Komputila viruso manĝis la junian revuon
UEA aĉetos domon por volontuloj, elspezos dekoble pli por movada evoluigo kaj aranĝos Universalan Kongreson en Afriko. Tion rakontis Mark Fettes kiam la nova estraro de la asocio sin prezentis en Nitro. La junia numero de la revuo Esperanto laŭ li malfruas pro komputila viruso.
Fettes plu estros ĉe UEA
Nova estraro de Universala Esperanto-Asocio estis elektita dum la unua tago de la 101-a Universala Kongreso en Nitro, Slovakio. La ŝanĝoj kompare kun la malnova estraro ne estas mondoskuaj, kaj la asocion plu gvidos Mark Fettes.
Sendependa TEJO ĉiam pli proksimas
La komitato de TEJO dum la IJK en Vroclavo aprobis la statutŝanĝojn kiuj pasintjare ne trapasis. La prezidanto de TEJO, kiu ne havas voĉdonrajton en la komitato, tamen voĉdonis per du manoj.
