Kniivilä gajnas finnan premion
Bibliografia Esperanto-ekspozicio en Madrido
De la 11-a de februaro ĝis la 8-a de marto eblis viziti en la Madrida komerca centro Gran Vía de Hortaleza bibliografian ekspozicion Esperanto kun la titolo"De individua kreaĵo al kolektiva kreado". Ĝin organizis Hispana Esperanto-Federacio (HEF), kadre de sia pli ĝenerala projekto "Lingvoj, trezoro de la homaro, ilo por dialogo", kiu disvolviĝos dum 2008 kaj 2009 por celebri la Internacian Jaron de la Lingvoj, la Eŭropan Jaron de la Interkultura Dialogo kaj por kunmemori la 100-an datrevenon de Universala Esperanto-Asocio.
UEA atingis 6.000 individuajn membrojn en 2007
UEA sukcesis ankaŭ en la jaro 2007 superi la limon de 6.000 individuaj membroj. Tion anoncis estrarano Ranieri Clerici en la diskutejo de la komitato de UEA.
Barack Obama reklamata en Esperanto
Barack Obama, kandidato al la usona prezidanteco, estas reklamata en Esperanto ĉe la multlingva film-retejo dotSUB.com. La originale anglalingva muzik-filmeto krom Esperanto estas tradukita al la araba, ĉina, franca, hispana kaj japana lingvoj. Krom la reklamfilmo pri Barack Obama en la retejo troveblas preskaŭ kvindek pliaj filmetoj kun kompleta esperanta traduko, kaj dudeko da filmoj originale en Esperanto.
EU financos peresperantan tradukprojekton de infanlibroj
La Eŭropa Komisiono aprobis tradukprojekton de infanlibroj, en kiu Esperanto rolas kiel pontolingvo. EU financos per 64 000 eŭroj la projekton, en kiu infanlibroj pere de Esperanto estos tradukitaj inter la bengala, itala, slovena kaj kroata lingvoj, kaj poste distribuitaj en elementaj lernejoj.
Buller esploras pri nova UK en Kubo 2010
Osmo Buller, la ĝenerala direktoro de UEA, vizitis Kubon de la 2-a ĝis la 9-a de februaro laŭ invito de Kuba Esperanto-Asocio. La celo de lia vizito estis esplori la kondiĉojn por okazigi la Universalan Kongreson de Esperanto en Havano en la jaro 2010. Kun subteno de ŝtataj, urbaj kaj turismaj aŭtoritatoj KEA invitas la esperantistan mondrenkontiĝon al Kubo jam por la dua fojo. Unuafoje la UK okazis en la kuba ĉefurbo en julio 1990.
Seks-akuzita esperantisto liberigita
Vendrede la 1-an de februaro, post pli ol ses semajnoj en prizono, estis provizore liberigita la konata belga esperantisto akuzita pri seksaj atencoj kontraŭ juna knabino.
Forpasis Don Harlow
La 27-an de januaro, post longdaŭra malsano, en Kalifornia hospitalo forpasis la konata usona esperantisto Don Harlow.
Forpasis Claude Piron
La 22-an de januaro en sia hejmo en Gland, Svisio, en la aĝo de 76 jaroj, pro koratako forpasis Claude Piron, konata esperantlingva verkisto, membro de la Akademio de Esperanto kaj honora membro de Universala Esperanto Asocio.
La urbo Bjalistoko financos novan Esperanto-centron
La urbo Bjalistoko, kie naskiĝis Ludoviko Zamenhof, decidis proprakoste renovigi historian konstruaĵon ĉe la strato Warszawska 15 kaj destini ĝin por la sidejo de Esperanto-Centro. Laŭ la plano la Esperanto-centro devas esti preta kaj ekipita por inaŭguro dum la Universala Kongreso de Esperanto en Bjalistoko en julio 2009.
Litova ŝtato financas kongreson de esperantistaj ĵurnalistoj
Fine de majo en Litovio estos aranĝita kongreso de esperantistaj ĵurnalistoj, kiun financas la registaro de Litovio kaj la urbestraro de la ĉefurbo Vilno, kie okazos la kongreso. Laŭ la prezidanto de Litova Esperanto-Asocio, Povilas Jegorovas, la grandaj subvencioj eblis, ĉar Litova Esperanto-Asocio kaj Esperanto ĝenerale havas bonan reputacion kaj prestiĝon en Litovio.
Belga esperantisto akuzata pri seksatenco kontraŭ infano
Konata belga esperantisto en decembro estis arestita, kaj ĝis nun restas en malliberejo. La polico esploras akuzon, laŭ kiu li kulpis pri seksaj atencoj kontraŭ knabino, kiun li instruis en la 1990-aj jaroj. La esperantisto mem deklaras, ke li pri nenio kulpas, kaj apelaciis al sekva instanco por ke li estu senprokraste liberigita. La apelacia komisiono longigis la arestotempon je unu monato.
Gregor Hinker iĝis prezidanto de TEJO
En eksterordinara komitata kunsido de TEJO en Germanio la 29-an de decembro estis elektita nova estraro de la organizaĵo. Prezidanto de TEJO iĝis Gregor Hinker el Aŭstrio.
Esperanto-flagoj logas ŝtelistojn en Litovio
Jam la duan fojon estis ŝtelita Esperanto-flago ekster la Vilna filio de Litova Esperanto-Asocio.
La papo bondeziris en Esperanto
En 2005 la nova papo Benedikto la 16-a interrompis la multjaran tradicion de sia antaŭulo Johano Paŭlo la 2-a, kaj post sia kristnaska parolado "Al la urbo kaj al la mondo" ("Urbi et Orbi") ne eldiris kristnaskajn salutojn en Esperanto. Ĉi-jare, samkiel en 2006, li denove salutis la aŭskultantojn ankaŭ en Esperanto.
Peter Zilvar iĝis la Esperantisto de la jaro 2007
La germana esperantisto Peter Zilvar, prezidanto de Esperanto-Societo Sudharz, gvidanto de la Germana Esperanto-Centro en Herzberg, estas proklamita la Esperantisto de la Jaro 2007.
Libera Folio en nova servilo - komentado reŝaltita
Libera Folio nun transiris al nova servilo, kaj ĉio denove funkcias laŭ la kutima maniero. Dum kelkaj tagoj pro la translokiĝo ne povis aperi novaj informoj kaj komentado estis malŝaltita.
Laborgrupo por la lingvojaro
UEA starigis specialan laborgrupon por kunordigi agadojn dum 2008, Internacia Jaro de Lingvoj.
Forpasis Ada Csiszár
La 20-an de novembro forpasis Ada Csiszár, la precipa prizorganto de la spirita kaj materia heredaĵo de Kálmán Kalocsay.
Forpasis Szilveszter Ördögh
En sia kvindeknaŭa vivojaro, la 16-an de novembro, forpasis Szilveszter Ördögh, hungara verkisto, ĉefredaktoro de la Esperanto-rilata kultura revuo Tekintet.
Svisaj parlamentanoj proponas Nobel-premion al UEA
Du svisaj parlamentanoj proponas, ke Universala Esperanto-Asocio ricevu pacpremion de Nobel. Laŭ la reguloj de la premio, interalie parlamentanoj rajtas oficiale proponi kandidatojn al la norvega Nobel-komitato, kiu decidas pri la pacpremio. La parlamentanoj Gisèle Ory kaj Francine John-Calame jam sendis sian kandidatigon al Oslo.
