Kniivilä gajnas finnan premion
Buller gajnis en fabelkonkurso
La nomo de la ĉefpremiito de la ĉi-jara fabelkonkurso en Taivalkoski (norda Finnlando) estas Buller. Antaŭ du jaroj en la esperantlingva konkurso estis premiita iu MacGill. Tamen en ambaŭ kazoj ne temas pri tiuj portantoj de la koncernaj nomoj, kiuj estas plej konataj en Esperantujo. La ĉi-jara gajninto nomiĝas Pinja Buller, kaj krom la ĉefa premio ŝi gajnis la kategorion de finnlingvaj fabeloj, verkitaj de infanoj en la aĝo de 6-8 jaroj. La premion "Fabelo internacia", donatan al la plej elstara esperantlingva fabelo, ĉi-jare gajnis grupo de infanoj en Hungario, Francio kaj Germanio.
Esperanto taŭgus en minoritata kant-festivalo?
Johan Kitti kaj Ellen-Sara Bæhr gajnis la ĉefan premion en "Liet-Lavlut", la tuteŭropa festivalo de kantoj en minoritataj lingvoj. La festivalo nun okazis la kvaran fojon, kaj jam la trian fojon gajnis kanto en la samea. Unu fojon gajnis kanto en la kataluna. Ne maleblas, ke ankaŭ kanto en Esperanto povus partopreni, diras la kunordiginto de la ĉi-jara konkurso.
Demisiis la kasisto de TEJO
La 25-an de septembro, nur monaton post sia formala elekto, anoncis sian demision la kasisto de TEJO, Adenjo Charrière. Jam de preskaŭ dek jaroj neniu el la kasistoj de TEJO finfaris sian lastan financan raporton, diras Ilja De Coster.
La redaktoro de "TEJO tutmonde" demisias
La redaktoro de la oficiala gazeto de TEJO, Joel Amis, forlasas sian postenon. Ĉi-jare, pro manko de materialoj, ne aperis la dua numero de la gazeto, kaj en la tria numero TEJO anoncas, ke estas serĉata nova redaktoro.
Forpasis Wouter Pilger
La konata nederlanda esperantisto Wouter Pilger mortis la 15-an de aŭgusto post subita malsaniĝo, en la aĝo de 64 jaroj.
Francoj gajnis 302-279 en Florenco
Francoj malgajnis kontraŭ Italio en la futbala finalo, sed gajnis kontraŭ la kongreslando en la konkurso pri la plej multaj kongresanoj, per ciferoj 302 kontraŭ 279.
Esperantisto reprezentos Litovion en Bruselo
La nova ambasadoro de Litovio en Belgio estas Nijole Zambaite, multjara esperantisto kiu jam en la 1970-aj jaroj aktivis en la Vilna junulara Esperanto-klubo. La nomumo de Nijole Zambaite kiel nova ambasadoro estis konfirmita de la prezidento de Litovio, Valdas Adamkus, la 10-an de aŭgusto.
La demisia letero de la prezidanto de TEJO
La antaŭa prezidanto de TEJO, Heming Welde Thorbjørnsen, anoncis sian demision per letero sendita al la komitatanoj de TEJO antaŭ la IJK en Sarajevo. Sen la demisio lia oficperiodo daŭrus ĝis la venontjara IJK en Vjetnamio. Kiel nova prezidanto de TEJO estis en Sarajevo elektita David-Emil Wickström. Ni publikigas la kompletan tekston de la demisia letero.
Vingustumado por junuloj, sed ne nur…
La junulara programo de la Universala Kongreso en Florenco estis nekutime vigla, kun multaj popularegaj koncertoj, ekskursoj kaj eĉ vingustumado. Raportas unu el la organizintoj, Francesco Maurelli.
Letero el Sarajevo 1996
Kiam la Internacia Junulara Kongreso de TEJO duafoje okazas en Sarajevo, pasis nur dek jaroj post la sanga milito en Bosnio-Hercegovino. La milito trafis ankaŭ multajn esperantistojn. De oktobro 1995 ĝis marto 1996 en la finna gazeto Kansan Uutiset aperis 11 "Leteroj el Sarajevo", originale verkitaj de Senad Čolić en Esperanto. La komunikado inter Sarajevo kaj la ekstera mondo en tiu periodo estis tre malfacila. Interreto estis ankoraŭ relative nova elpensaĵo por malmultaj inicitoj, papera poŝto malbone funkciis, kaj la alireblaj telefonlinioj el la urbo estis nemultaj. La leteroj el Sarajevo estis verkitaj per ordinara tajpilo kaj poste faksitaj al Finnlando el registara faksilo dumnokte, kiam la cetera telefona trafiko estis malpli vigla. Ni republikigas unu el la leteroj okaze de la IJK en Sarajevo.
Tri kaŝitaj demisioj en la LKK de Florenco
Multaj kongresanoj en Florenco miris pri enigma deklaro de Michela Lipari, aperinta en la kongresa libro. Niaj esploroj montris, ke okazis tri demisioj el la Loka Kongresa Komitato de la ĉi-jara Universala Kongreso, sed ili ĉiuj estis zorge kaŝitaj de la publiko. Krom Michela Lipari, ankaŭ alia demisiinto, Edvige Tantin Ackermann, elektis publike montri sian amarecon al la LKK.
Fotoj el la Florenca kongreso
Ni publikigas kelkajn fotojn el la Universala Kongreso de Esperanto en Florenco.
Premio Deguchi al Simo Milojević
La estraro de UEA aljuĝis la "esperantistan pacpremion", premion Deguchi, al Simo Milojević, multjara oficisto de UEA kaj aktivulo de la internacia Esperanto-movado.
"Daŭrigebla" iĝis "daŭropova" en la kongresa rezolucio
La vortoj "daŭrigebla evoluo" de la oficiala kongresa temo de la ĉi-jara Universala Kongreso iĝis "daŭropova evoluigo" en la fina versio de la kongresa rezolucio, aprobita de la komitato de UEA. Ni publikigas la tutan tekston de la rezolucio.
Broccatelli kaj Haszpra novaj honoraj membroj de UEA
La du novaj honoraj membroj kiujn elektis la komitato de UEA dum la kongreso en Florenco estas Umberto Broccatelli el Italio kaj Otto Haszpra el Hungario.
UK 2008 okazos en Roterdamo, 2009 eble en Bjalistoko
La Universala Kongreso de Esperanto en la jaro 2008, kiam UEA iĝos centjara, okazos en la ĉefurbo de UEA, Roterdamo. Tion sciigis la ĝenerala direktoro de UEA, Osmo Buller, en Florenco. La freŝa decido de la estraro de UEA, farita en Florenco, ankoraŭ ne estas oficiale diskonigita. Ĝi tamen estis menciita dum la programero Centra Oficejo respondas marde matene. La kongreso en 2009 eventuale okazos en Bjalistoko.
Aligo al la Civito surprizis meksikanojn
La 22-an de julio estis diskonigita informo pri la aliĝo de la landa asocio de UEA en Meksiko al disputata organizaĵo, la Esperanta Civito. La anonco de la Civito komplete surprizis la plej multajn meksikajn esperantistojn, kiuj eĉ ne sciis ke tia paŝo estis diskutata. Inter la neinformitoj estis du antaŭaj prezidantoj de Meksika Esperanto-Federacio kaj la nuna ĉefdelegito de UEA. "Mi ne scias pri kio vi parolas! Neniu diris ion al mi, aŭ demandis", komentas la ĉefdelegito Alejandro Mejía. Simile surprizite reagis Jorge Gutiérrez, la antaŭa prezidanto de Meksika Esperanto-Federacio, kiu mem kredas ke la aliĝo havos nenian praktikan signifon. Fine de julio Meksika Esperanto-Federacio laŭ UEA havis nur dekon da pagintaj membroj.
SAT kolektas monon por ne maldungi Barkoviĉ
La financa situacio de Sennacieca Asocio Tutmonda estas kriza, kaj jam mankas mono por pagi la salajron de la sola dungito de la asocio, la ĝenerala sekretario Kreŝimir Barkoviĉ. Por ne devi maldungi lin antaŭ ol li post tri jaroj atingos la pensian aĝon, la asocio nun lanĉas monkolekton.
Herzberg oficiale eknomis sin "Esperanto-urbo"
Laŭ la decido de la urba konsilantaro, la germana urbo Herzberg nun oficiale uzos la titolon "Herzberg am Harz – die Esperanto-Stadt", por diskonigi sin en la mondo. La oficiala leterpapero surhavos ankaŭ esperantlingvan version: "La Esperanto-urbo". La voĉdono en la urba konsilantaro okazis marde la 11-an de julio, kaj neniu el la deputitoj de la kvar partioj en la konsilataro kontraŭis ĝin. Tri el la deputitoj sindetenis en la voĉdonado.
Ambasadoro de Italio akceptis kongresontojn
La 12-an de julio la ambasadoro de Italio en Litovio, Giulio Prigioni, en sia nova rezidejo en Vilno, la ĉefurbo de Litovio, akceptis tutan grupon de litovaj esperantistoj, kiuj ĉi-jare partoprenos en la 91-a Universala Kongreso de Esperanto en Florenco. En la akcepto partoprenis pli ol kvardek esperantistoj el diversaj litovaj urboj. Entute al la kongreso aliĝis 57 loĝantoj de Litovio, sed ne ĉiuj povis partopreni la akcepton. "Eblas konstati, ke la itala ambasadoro fariĝis vera amiko de Esperanto. Li konsentis eniri en la Honoran Komitaton de la Universala Kongreso. Ne estas ekskludita la ebleco, ke li aperos dum la UK, se li sukcesos liberiĝi de siaj profesiaj devoj", komentas Povilas Jegorovas.
