Kniivilä gajnas finnan premion
La papo pasksalutis esperante
Papo Benedikto la 16-a ankaŭ ĉi-jare daŭrigis la tradicion, kaj inter multaj aliaj lingvoj voĉlegis sian paskan saluton ankaŭ en Esperanto. Kiam li eldiris la vortojn "Feliĉan paskon en Kristo resurektinta", esperantistoj en la placo Sankta Petro en Vatikano levis verdajn ŝildojn por montri la vorton Esperanto.
Reinhard Selten denove kandidatos en la eŭropaj elektoj
Laŭ decido de la balota komisiono de la 10-a de aprilo, la germana sekcio de la politika movado "Eŭropo – Demokratio – Esperanto" (EDE) rajtas partopreni en la eŭropaj balotoj 2009 en Germanio. Tio signifas, ke ĝis la komenco de junio la germana ŝtato presigos almenaŭ 64 milionojn da balotiloj, sur kiuj troviĝas ĝia nomo. Ankaŭ la nomoj de la 10 kandidatoj de EDE-Germanio – kun prof. d-ro Reinhard Selten sur la unua loko – troviĝos sur ĉiu voĉdonilo.
Tertremo en Italio nuligis Esperanto-aranĝon
La granda tertremo okazinta en Italio la 6-an de aprilo mortigis pli ol 200 homojn kaj detruis milojn da loĝejoj. Grandaj tendaroj estas starigataj por pli ol 14.000 senhejmuloj. Ankaŭ la ejo de la ĉi-jara Internacia Junulara Festivalo de Itala Esperanto-Junularo estas bezonata por loĝigi senhejmulojn, kaj la IJF lastmomente estis nuligita.
Ranieri Clerici forlasas la estraron de UEA
Ranieri Clerici, vicprezidanto de Universala Esperanto-Asocio, anoncis en la kunsido de la Estraro la 29-an de marto sian decidon rezigni pro sanproblemoj pri estraraneco kun tuja ekvalido. La aliaj estraranoj akceptis la sciigon de sia kolego kun granda bedaŭro.
Nova falo en la membrokvanto de UEA
En 2008 UEA registris la plej malgrandan nombron de individuaj membroj (IM) post la Dua Mondmilito: 5.702, alivorte je 11 malpli ol la antaŭa malrekordo el 2002, kaj je 309 malpli ol en 2007. Unuafoje la kvanto de pagitaj abonoj al revuo Esperanto falis sub 4.000. "La neceso varbi membrojn estas vere brula", komentis la ĝenerala direktoro de UEA, Osmo Buller. La plej granda falo en la membronombro pasintjare okazis en Japanio, kiu pro la Jokohama UK estis la plej granda lando laŭ la nombro de individuaj membroj en 2007, entute 856. En 2008 la kvanto de individuaj membroj en Japanio falis je pli ol 50 procentoj, al 402. La perdo en tiu lando estis do 454. Ĉar la tuta perdo estis 309, la cetera mondo kompensis do unu trionon de perdo en Japanio.
Klaku.net denove klakebla
La anonco pri la fermo de la reta projekto Klaku.net validis nur unu semajnon. Post la malapero de la retejo rapide aperis novaj volontuloj por daŭrigi la laboron. La 18-an de februaro la retejo reaperis kun nova prizorganto, Dmitrij Ŝevĉenko.
Klaku.net faris sian lastan klakon
La nur-esperanta socia retejo Klaku.net finis sian ekziston la 11-an de februaro. Laŭ la fondintoj ne indas daŭrigi la projekton, ĉar tro malmultaj retanoj uzis ĝin por popularigi tekstojn. "Ni daŭre ne komprenas kial la esperantistoj ne rimarkis la gravecon de Klaku.net por la esperanta blogaro, sed ni ne povas fari pl[i], la komunumo agas libere", la fondintoj skribas en sia adiaŭa mesaĝo.
Ilona Koutny elektita esperantisto de la jaro 2008
De dek jaroj ĵurio kunmetita de la gazeto La Ondo de Esperanto elektas "Esperantiston de la jaro". Ĉi-foje plej multajn voĉojn de la ĵurio ricevis Ilona Koutny.
Asocio de esperantistaj ĵurnalistoj registrita en Litovio
Post longa klopodado en la fino de decembro 2008 Tutmonda Esperantista Ĵurnalista Asocio estis oficiale registrita en Litovio. TEĴA estas la unua internacia organizaĵo, kiu havas sian ĉefsidejon en Litovio. Tiu specifaĵo prokrastis la registradon, ĉar ĝis nun ekzistis precedencoj nur pri registrado de filioj de jam jure ekzistantaj internaciaj organizaĵoj kun ĉefsidejo aliloke.
Granda kroata vortaro aperis
Granda Vortaro Esperanta-Kroata kun 420 paĝoj kaj 42.000 vortoj estis prezentita la 14-an de januaro 2009 en la Zagreba Esperanto-Societo "Bude Borjan" . La verkon autoris Lucija Borčić. Eldonis la libron Kroata Esperanto-Ligo kunlabore kun la zagreba eldonejo Sveučilišna knjižara.
Novjara Renkontiĝo kolektis infanojn kaj malinfanojn
Kun 62 infanoj kaj junuloj ĝis-20-jaraj la 7-a Novjara Renkontiĝo de EsperantoLand ankaŭ ĉi-foje estis unu el la plej grandaj familiaj Esperanto-renkontiĝoj. Ĉ. la duono de la infanoj hejme parolas Esperanton, kio bone subtenis la lingvouzadon inter la infanaro. Entute kunvenis en Frankfurto ĉe Majno 143 homoj, tri kvaronoj el eksterlando, el entute 15 landoj - el Kanado, siberia Rusio kaj el dekduo da eŭropaj landoj. El Argentino venis Alejandro Cossavella, kiu bele koncertis ĉe ni kadre de sia eŭropa turneo. Denove kreiĝis la amikeca etoso de Esperantolando, kion la partoprenantoj tre ŝatis.
Sojle al espero
En sia novjara mesaĝo kun la titolo "Sojle al espero" la prezidanto de Universala Esperanto-Asocio atentigas, ke UEA skribis la koncepton de homaj rajtoj en sian statuton jam en 1947, unu jaron antaŭ la akcepto de la Universala Deklaracio de Homaj Rajtoj. Laŭ Probal Dasgupto speciale la savado de la lingva kaj kultura trezoro de la homaro apartenas al la daŭra labora tagordo la asocio. Ni publikigas la kompletan tekston de la novjara mesaĝo.
La papo bondeziris en Esperanto
Benedikto la 16-a ĉi-jare daŭrigis la tradicion kaj inter alilingvaj bondeziroj eldiris siajn kristnaskajn kaj novjarajn salutvortojn ankaŭ en Esperanto. Kiel kutime, en la popolamaso en Vatikano ĉeestis esperantistoj, kiuj levis ŝildon kun la vorto "Esperanto" kiam aŭdiĝis la esperantlingva saluto. La ŝildo bone videblis en la rekta televida elsendo, sed la itala televido spite tion mise asertis, ke temis pri saluto en la indonezia lingvo. La teksto "saluto en Esperanto" aperis sur la televidekrano nur kiam la papo jam parolis latine.
Mesaĝo de Probal Dasgupta al Unesko-konferenco
Mesaĝo de la prezidanto de UEA, Probal Dasgupta, estis laŭtlegita dum la solena konferenco pri Esperanto en la Pariza sidejo de Unesko lunde la 15-an de decembro 2008. Laŭ ĉeestintoj la konferenco estis granda sukceso. Libera Folio publikigas la kompletan tekston.
Ziko van Dijk malkaŝas sekretojn de la UEA-arkivo
Kontraŭjudaj sintenoj en Pollando 1959, la fiasko de Lapenna en Novjorko kaj estiĝo de Biblioteko Hector Hodler. Jen kelkaj temoj en la nova verko de Ziko van Dijk. Antaŭ du jaroj aperis lia germanlingva doktoriĝa disertaĵo pri la politika historio de UEA. En tiu verko li montris, kiel la monda politiko kaj politikaj cirkonstancoj en unuopaj landoj influis la agadon de UEA. Nun li aperigis novan historian verkon pri UEA, ĉi-foje en Esperanto. Tamen ne temas pri traduko de la disertaĵo, sed pri kolekto de artikoloj pri diversaj, foje eĉ iom anekdotecaj okazaĵoj en la historio de la asocio. En intervjuo de Libera Folio Ziko van Dijk rakontas pri sia nova verko.
Pasporta Servo iĝas reta, sed ne nur
Unu el la plej popularaj servoj en Esperantujo nun faras grandan paŝon en la reta mondo. Post funkciigo de nova administra sistemo la gastigantoj de Pasporta Servo povos ne nur aliĝi al la servo rete, sed ankaŭ rekte prilabori la informojn pri si mem. Samtempe, post 15-jara laboro, Derk Ederveen nun transdonos la administradon de Pasporta Servo al nova generacio.
Malferma tago de UEA kun 110 vizitantoj
La 29-a Malferma Tago de la Centra Oficejo de UEA en sabato, la 29-a de novembro, allogis 110 vizitantojn el 14 landoj. En la agadkalendaro de UEA ĝi estis la lasta aranĝo dediĉita al la 100-jariĝo de la Asocio. La programo estis abunda. La ĉefa preleganto estis la ĉi-jara Grabowski-premiito Andreas Künzli, kiu faris du prelegojn.
”Esencoj” malaperis pro nepagita fakturo
La novaĵretejo Esencoj pro nepagita fakturo jam de du semajnoj ne funkcias. Pro la sama nepagita fakturo malaperis el la reto la retejo Hungario.hu. Laŭ la prizorganto László Szőke la retejoj tamen ne mortis definitive, sed baldaŭ reviviĝos.
Nescio de la angla mortigis dudek maristojn
Sekreta, kvincifera kodo, krajone skribita sur komputila terminalo, kontribuis al la morto de dudek personoj en rusia nuklea submarŝipo la 8-an de novembro. Sed la ĉefa kialo de la tragedio kredeble estis, ke multaj rusiaj mararmeanoj ne tre bone scias la anglan. La ŝipo estas mendita de la barata ŝtato, kaj ĉiuj instrukcioj estas en la angla. Kiam rusa matroso provis manipuli termostaton, li akcidente ŝaltis la fajroestingan sistemon.
1887 anoj de UEA uzas la retan Jarlibron
La nombro de individuaj membroj de UEA, kiuj registriĝis kiel uzantoj de la reta Jarlibro, atingis 1887 la 23-an de oktobro. Proksimume triono de la individuaj membroj utiligas tiun eblon, kiu estis enkondukita en aprilo 2005 kaj kies plej evidenta avantaĝo kompare kun la presita Jarlibro estas ĝia konstanta ĝisdateco. Ne nur la adresinformoj de delegitoj estas aktualaj, sed ankaŭ novaj delegitoj troviĝas tie tuj post la registro de ilia delegiteco en la Centra Oficejo.
