Kniivilä gajnas finnan premion
Rekorda kvanto de vizitoj ĉe la Esperanto-muzeo en Vieno
Novan rekordon povas festi la Esperanto-muzeo de la Aŭstria Nacia Biblioteko: 9.781 vizitantoj venis dum la jaro 2011 por vidi la ekspozicion. Por komparo: En 2009 la komparebla cifero estis 5.886, en 2010 jam estis 7.523.
UEA ricevis la statuson de "konsulta partnereco" ĉe Unesko
Universala Esperanto-Asocio fariĝis konsulta partnero de Unesko, la Organizo de UN por Edukado, Scienco kaj Kulturo. Tiel decidis la Ĝenerala Direktoro de Unesko, s-ino Irina Bokova, konforme al la novaj gvidlinioj pri la rilatoj de Unesko kun Ne-Registaraj Organizaĵoj (NRO-j), kiujn la Ĝenerala Konferenco adoptis en novembro. Fakte, laŭ la novaj gvidlinioj ne plu temas pri rilatoj sed pri partnereco por pli bone esprimi, ke Unesko celas kunlabori kun NRO-j por la komunaj celoj kaj ne nur formale rilati kun ili. Por Unesko NRO-j estas gravaj, ĉar pere de ili ĝi rekte atingas la civilan socion preter la ŝtataj strukturoj.
Nova Ĝangalo ŝaltiĝis
En la nokto inter la 24-a kaj 25-a de februaro laŭ eŭropa horo ŝaltiĝis la retejo Nunonia.com, la nova projekto de Flávio Rebello, antaŭe konata kiel la iniciatinto de la retportalo Ĝangalo kaj la reta televido ITV.
La Civito adoptis la anglan
La retejo de la Esperanta Civito rapide raportis pri la fakto, ke la reta tradukilo de Google ekparolis Esperanton. La raporto tamen aperis nur en la angla.
Zamenhof - simbolo de Bjalistoko?
Ludoviko Zamenhof gajnis la retan voĉdonadon pri "simbolo de Bjalistoko", aranĝitan de la pola retejo onet.pl.
Mesaĝo de Probal Dasgupta okaze de la lingvotago 2012
Unesko en novembro 1999 deklaris la 21-an de februaro Internacia Tago de la denaska lingvo. La celo de la tago estas konservi la lingvomultecon kaj kulturmultecon. La elekton de la dato motivis eventoj de la 21-a de februaro 1952 en Dako (tiam orienta Pakistano, nun Bangladeŝo), kie la polico mortigis homojn, kiuj manifestaciis por la Movado por bengala lingvo. Ni publikigas la mesaĝon de Probal Dasgupta, prezidanto de UEA, okaze de la tago de la denaska lingvo.
Pasintjare aperis 172 libroj en Esperanto
Dum 2011 en nia libromerkato aperis 172 libroj en/pri Esperanto, kun entute 19 mil 775 paĝoj, iom malpli ol averaĝe dum la lasta jardudeko. La plej aktiva Esperanto-eldonejo denove estis MAS (Monda Asembleo Socia), prizorgata de Vilhelmo Lutermano, kun 26 volum(et)oj politikaj kaj sociaj de maldekstraj aŭtoroj, kiujn plejparte li mem tradukis.
Kolapso ne trafis Esperanton
En Rio-de-Ĵanejro kolapsis tri konstruaĵoj en la strato kie troviĝas la sidejo de Kultura Kooperativo de Esperantistoj, grava brazila organizaĵo esperantista, fondita en 1951. En la unua momento brazilaj esperantistoj timis, ke estis detruita la sidejo de KKE, tamen baldaŭ montriĝis, ke la trafitaj konstruaĵoj troviĝis transe de la strato.
IJK 2012 okazos en Vjetnamio, venontjare en Israelo
Post trisemajna necerteco pri la loko de 68-a Internacia Junulara Kongreso, kaŭzita de subita rezigno de Japana Esperanto-Junularo, la estraro de TEJO decidis, ke la ĉi-jara junulara kongreso okazos en Hanojo, Vjetnamio - samurbe kun la Universala Kongreso. Decidita estas ankaŭ loko de TEJO-kongreso en 2013 - ĝi okazos en Israelo. Prezidanto de TEJO, Łukasz Żebrowski, kaj la estrarano pri kongresoj, Tina Tišljar, en komuniko dissendita de TEJO rakontas pri okazintaĵoj de lastaj tagoj. Ni publikigas la tekston senŝanĝe.
La projekto pri reta PIV ne haltis
Por ellabori retan version de Plena Ilustrita Vortaro inter esperantistoj estis kolektitaj monkontribuoj de 10.000 eŭroj. La sumo estis finkolektita en marto 2011, sed poste ne videblis grandaj evoluoj. Multaj donacintoj ekmiris, kio okazis, kaj ankaŭ Libera Folio kelkfoje turnis sin al la gvidantoj de la projekto por ricevi pliajn informojn. La 15-an de januaro fine aperis aktualaj informoj pri la stato de la afero en la retejo vortaro.net. Ni publikigas la kompletan tekston.
Etsuo Miyoshi esperas je fina venko en EU
Ŝanco por fina venko de Esperanto ekzistas nur en Eŭropa Unio, kredas la konata mecenato Etsuo Miyoshi. Pro tio li decidis nuligi la subvencion Cigno, kaj anstataŭe krei novan premion, kiu instigu landajn Esperanto-asociojn en EU pli vigle informadi. Aldone li plu esperas, ke Universala Esperanto-Asocio uzos sian kapitalon por aperigi anoncojn pri Esperanto en eŭropaj gazetoj. Asocioj, kiuj volas konkuri pri lia nova premio, kiu valoras proksimume 2.000 eŭrojn, devas sendi gazetarajn artikolojn kaj aliajn dokumentojn pri sia informa agado al la nove kreita japana fondaĵo Cigno ene de du monatoj.
Sam Green reserĉas siajn heroojn
La direktoro de la filmo "Universala lingvo" perdis siajn notojn, kaj tial ne povas dissendi la promesitan diskon kun la filmo al la intervjuitoj. Nun li petas la helpon de esperantistoj por rekontakti la homojn.
IJK kredeble okazos en Ĉinio aŭ Vjetnamio
La planoj pri Internacia Junulara Kongreso 2012 en Japanio estis surprize nuligitaj kelkajn tagojn antaŭ la jarŝanĝo. Nun la estraro de Tutmonda Esperantista Junulara Organizo TEJO konsideras plurajn alternativajn lokojn por la IJK. La decido estos farita en la proksimaj tagoj, sed jam nun ŝajnas klari, ke la kongreso okazos aŭ en Ĉinio, aŭ en Vjetnamio.
Eŭropa subvencio por instruista trejnado urĝe petenda
Partoprenontoj de instruista trejnado, okazonta dum la Itala Kongreso de Esperanto en aŭgusto, havas la ŝancon ricevi subvencion de Eŭropa Unio. La subvencio kovras ne nur la kotizon de la trejnado, sed ankaŭ vojaĝ- kaj restadkostojn. Limdato por peti la subvencion estas la 16-a de januaro.
TEJO esperas ke junulara kongreso tamen okazos en Azio
La fiaskon de la plano por IJK en Japanio kaŭzis ĉefe problemoj pri la ejo, rakontas la prezidanto de TEJO, Łukasz Żebrowski, en mallonga intervjuo kun Libera Folio rekte el Gdańsk. Tie li partoprenas junularan aranĝon, dum kiu kunsidas ankaŭ la komitato de TEJO. Spite la nuligon de la japana IJK, TEJO esperas ke la junulara kongreso ĉi-jare povos okazi en Azio. Kunordigo kun la UK en Vjetnamio estas alternativo, kiun oni nun konsideras.
Dennis Keefe elektita Esperantisto de la jaro 2011
La gazeto La Ondo de Esperanto post voĉdonado inter 15 elektantoj deklaris Dennis Keefe la Esperantisto de la jaro 2011.
Probal Dasgupta: "Ni vendu A-Kvon al la publiko"
En sia saluto por la Zamenhofa tago, la prezidanto de UEA, Probal Dasgupta, proponas du versiojn de la Zamenhofa ideo: internan kaj eksteran. Aŭ aleksteran kaj samideanaran, kiel li preferas nomi ilin.
Tibor Sekelj omaĝita dum malferma tago de UEA
La 35-a Malferma Tago de la Centra Oficejo de UEA la 26-an de novembro allogis 70 vizitantojn el 11 landoj. La ĉefan prelegon faris Spomenka Štimec pri la vivo de la mondvojaĝanto, ĵurnalisto, verkisto kaj movada aganto Tibor Sekelj (1912-1988). La 14-an de februaro pasos 100 jaroj de post lia naskiĝo, pro kio Eŭropa Esperanto-Unio deklaris la jaron 2012 Jaro de Tibor Sekelj kaj ankaŭ la Komitato de UEA rekomendis priatenti la datrevenon. La prelego de Štimec estis do kvazaŭ enkonduko al la jaro. Ĝi estis filmita kaj estos baldaŭ videbla en la Reta Kinejo de UEA.
Elna Matland forpasis
Honora Membro de UEA s-ino Elna Matland forpasis la 23-an de novembro en Bergeno, Norvegio. Ŝi naskiĝis la 28-an de aprilo 1921 en la sama urbo. Matland lernis Esperanton en 1939 kaj baldaŭ ekaktivis movade.
Familia renkontiĝo migris norden
Renkontiĝo de Esperantistaj Familioj okazis la unuan fojon en Hungario en la jaro 1979, kaj de tiam ĉiujare altiras dekojn da partoprenantoj. Ĉi-somere REF unuafoje okazis ekster centra kaj orienta Eŭropo, en Svedio. "Por mi persone REF estas unu el la plej interesaj fenomenoj en Esperantujo", rakontas Vanja Radovanović, kiu fine trovis tempon verki raporton por Libera Folio. Venontjare REF okazos en Germanio.
